किन बढिरहेको छ विश्वभर सुनको मूल्य ?

काठमाडौं । कमजोर डलर र अमेरिकी ब्याज दर कटौतीको अपेक्षाले लगानीकर्तालाई सुरक्षित आश्रयतर्फ मोड्न बाध्य बनाएपछि मंगलबार सुनको मूल्य ऐतिहासिक रेकर्ड उचाइमा पुगेको छ ।

यसैबीच, वाल स्ट्रिट श्रम दिवसका लागि सोमबार बन्द रहेकाले लगानीकर्ता नयाँ दिशाको प्रतीक्षामा रहँदा सेयर बजार मिश्रित अवस्थामा देखिएको छ ।

एसियाको प्रारम्भिक कारोबारमा सुन प्रतिऔँस तीन हजार ५०१.५९ डलरसम्म उक्लियो । जुन अप्रिलमा बनेको अघिल्लो रेकर्ड तीन ५००.१० डलरभन्दा माथि हो ।

‘यो बढ्दो ¥यालीले नरम डलर मात्र नभई, केन्द्रीय बैंक र संस्थागत लगानीकर्ताहरूको बलियो मागलाई पनि देखाउँछ, यसले अमेरिकी कोष विभागहरूबाट आफ्नो लगानी हटाइरहेका छन्,’ स्विसकोट बैंककी इपिक ओजकार्डेस्कायाले भने ।

उनका अनुसार विदेशी केन्द्रीय बैंकहरूले अमेरिकी कोष विभागमा गर्ने लगानी एक दशकभन्दा बढी समयदेखि घटिरहेको थियो । तर, अमेरिकी ऋणप्रति बढ्दो चिन्ता, मूल्यांकनमा गिरावट, व्यापार तनाव र भू–राजनीतिक जोखिमका कारण यस वर्ष ठूलो मात्रामा सुनतर्फ मोडिएको छ ।

इक्विटी बजारमा टोकियो, सियोल र जकार्ता उकालो लाग्दा हङकङ र सांघाई प्रारम्भिक लाभपछि तल झरे । ह्याङसेङमा अलिबाबाले कृत्रिम बुद्धिमत्ता (एआई) राजस्वको वृद्धि र बम्पर नतिजापछि एक दिनअघि करिब २० प्रतिशतसम्म उछाल पाएको थियो । तर लगानीकर्ताले मुनाफा सुरक्षित गर्न खोज्दा मंगलबार केही गिरावट आएको थियो ।

‘अमेरिकी प्रविधि दिग्गजहरूले एआई मुद्रीकरण र उच्च मूल्यांकनबारे बढ्दो प्रश्नहरूको सामना गरिरहेका छन्, तर चिनियाँ कम्पनीले भने एआई र क्लाउड सेवाबाट वास्तविक आय वृद्धि देखाइरहेका छन्,’ स्याक्सो मार्केटका चारु चानानाले भने ।

यसैबीच, अवैध लागूऔषध अनुसन्धानसँग जोडिएकी पेय पदार्थ निर्माता कम्पनी सनटोरी का प्रमुख कार्यकारी अधिकृत (सिइओ)को राजीनामाले जापानी कर्पोरेट जगतलाई स्तब्ध पारेको छ ।

तेल बजारमा अक्टोबरको उत्पादनबारे निर्णय गर्न ओपेकंको आगामी सप्ताहान्त बैठकअघि मूल्य बढेको छ । कार्टेलले आपूर्ति अपरिवर्तित राख्ने अपेक्षा गरिएको छ ।