0
Shares
काठमाडौं । टी २० विश्वकपको उपाधि उचालेसँगै भारतीय टोलीका कप्तान रोहित शर्मा टी २० अन्तर्राष्ट्रिय क्रिकेटबाट सन्यास लिएका छन् ।
खेलपछि पत्रकार सम्मेलनमा रोहित शर्माले दक्षिण अफ्रिकाविरुद्ध खेलिएको टी २० विश्वकपको फाइनल खेल आफ्नो टी २० अन्तर्राष्ट्रिय करिअरको अन्तिम भएको बताए ।
रोहित शर्माले भने, ‘यो मेरो अन्तिम खेल पनि थियो, मलाई हरेक पल मन पर्यो, म यही चाहन्थेँ, म भारतलाई विश्वकप जिताउन चाहन्थेँ ।’
यद्यपि, कप्तान शर्माले भारतको टेस्ट र एक दिवसीय क्रिकेट खेल्न जारी राख्ने छन् । रोहितअघि विराट कोहलीले टी २० अन्तर्राष्ट्रिय क्रिकेट फर्म्याटबाट सन्यासको घोषणा गरेका थिए ।
रोहित शर्माको नेतृत्वमा भारतले १७ वर्षपछि टी २० विश्वकप जित्न सफल भएको हो । यसअघि भारतले टी २० विश्वकपको उपाधि २००७ मा महेन्द्र सिंह धोनीको नेतृत्वमा जितेको थियो ।
विश्वकपको फाइनल खेलमा भारतले दक्षिण अफ्रिकालाई ७ रनले पराजित गरेर उपाधि जितेको हो ।
