0
Shares
काठमाडौं । फिफाका अध्यक्ष जियानी इन्फान्टिनोले व्यापक विरोधपछि प्रमुख प्रतियोगिताहरूमा रहेको सेयर बेच्ने विवादास्पद योजना रद्द गरेको बताएका छन्।
बीबीसीका अनुसार इन्फान्टिनोले भनेका छन्, ‘यो परियोजनाले विभाजन सिर्जना गरेको स्पष्ट भएको छ, जुन अब यसको मूल उद्देश्यको हितमा छैन।’ स्विस अधिकारीले थपे, ‘परिणामस्वरूप यो प्रस्ताव अगाडि बढ्ने छैन।’
फिफाले विश्वकपसहित आफ्ना प्रमुख प्रतियोगिताहरू सञ्चालन गर्ने नयाँ कम्पनीमा करिब २० प्रतिशत सेयर बिक्री गरेर ४.२ अर्ब अमेरिकी डलरसम्म जुटाउने योजना सार्वजनिक गरेको थियो। तर यो प्रस्ताव अगाडि बढाइए विश्वकप नै बहिष्कार गर्ने चेतावनी युरोपेली फुटबल महासंघ (यूईएफए) ले दिएको थियो।
यस्तै बेलायतका प्रधानमन्त्री एन्डी बर्नहमले फिफाको नेतृत्वमा ‘गलत व्यक्ति’ रहेको टिप्पणी गरेका थिए। विरोध चर्किएपछि फिफा अध्यक्ष जियानी इन्फान्टिनोले शुक्रबार राति विज्ञप्ति जारी गर्दै प्रस्ताव फिर्ता लिएको घोषणा गरेका हुन्।
