‘शिलान्यासमा रिद्धि सिद्धिसँग’ विशेष योजना सार्वजनिक

0 Shares

काठमाडौं । रिद्धि सिद्धि सिमेन्टले शिलान्यासमा रिद्धि सिद्धिसँग विशेष योजना सार्वजनिक गरेको छ।

आफ्नो सपनाको घर निर्माणको शुभ सुरुवातलाई अझ विशेष, शुभ र स्मरणीय बनाउने उद्देश्यले विशेष योजना ल्याएको कम्पनीले जनाएको छ।

यस योजना अन्तर्गत रिद्धि सिद्धि सिमेन्ट प्रयोग गर्न चाहने सम्पूर्ण ग्राहकहरूले आफ्नो साइट दर्ता गरी विशेष योजनामा सहभागी हुन सक्नेछन्। उनीहरुले ५ ग्राम चाँदीको सिक्कासहित शिलान्यासका लागि आवश्यक सम्पूर्ण पूजा सामग्री समावेश गरिएको विशेष “शिलान्यास बक्स” प्राप्त गर्नेछन्।

घर निर्माणको पहिलो चरण अर्थात् शिलान्यासलाई नेपाली परम्परा, आस्था र संस्कृतिसँग जोड्दै ग्राहकलाई आवश्यक पूजा सामग्री सहज रूपमा उपलब्ध गराउने उद्देश्यले विशेष रूपमा तयार गरिएको शिलान्यास बक्स योजनाको प्रमुख आकर्षण रहेको कम्पनीले जनाएको छ।

यस योजनामा सहभागी हुन ग्राहकले उल्लिखित क्यूआर कोड स्क्यान गरी रजिस्ट्रेसन फर्ममा आफ्नो विवरण भर्नुका साथै १०० बोरा वा सो भन्दा बढी रिद्धि सिद्धि सिमेन्ट खरिद गरेको भ्याट बिल अपलोड गर्नुपर्नेछ।

योजना अन्तर्गत प्रत्येक निर्माण साइटबाट १ वटा मात्र शिलान्यास बक्स प्राप्त गर्न सकिनेछ। कम्पनीका प्रतिनिधिहरूले ग्राहकको निर्माण साइटमा उपस्थित भई शिलान्यास बक्स तथा ५ ग्राम चाँदीको सिक्का उपलब्ध गराउनेछन्। योजनाका लागि पेस गरिएको भ्याट बिलका आधारमा ग्राहकको सहभागिता प्रमाणी करण गरिनेछ।

मंसिर ४ गतेदेखि पुस ४ गतेसम्म रिद्धि सिद्धि सिमेन्ट खरिद गर्ने ग्राहकहरू यस योजनामा सहभागी हुन सक्नेछन्।

रिद्धि सिद्धि सिमेन्टले गुणस्तरीय निर्माण सामग्री उपलब्ध गराउनुका साथै ग्राहकको निर्माण यात्राका महत्वपूर्ण अवसरहरूलाई समेत विशेष बनाउन निरन्तर पहल गर्दै आएको जनाएको छ।

सम्बन्धित समाचार