६१ किलो सुन प्रकरण : अमला रोकालाई धरौटीमा छाड्न आदेश

काठमाडौँ । ६१ किलो सुन तस्करी प्रकरणकी आरोपी अमला रोकालाई काठमाडौँ जिल्ला अदालतले धरौटीमा छाड्न आदेश गरेको छ ।

थुनछेक बहसपछि न्यायाधीश बलराम लम्सालको इजलासले सोमबार रोकालाई २ लाख रुपैयाँ धरौटीमा छाड्न आदेश गरेको हो ।

शुक्रबार टोखाबाट पक्राउ परेकी रोकाविरुद्ध आइतबारदेखि थुनछेक सुरु भएकोमा बहस नसकिएपछि सोमबारका लागि हेर्दाहेर्दैमा राखिएको थियो । बहस सकिएसँगै धरौटीमा मुद्दा पुर्पक्ष गर्ने आदेश अदालतले गरेको हो ।