0
Shares
काठमाडौं। फिफा विश्वकपमा हरेक संस्करणमा केही टोलीले ऐतिहासिक सफलता हात पार्छन् भने केहीले अत्यन्त पीडादायी रूपमा प्रतियोगिताबाट बाहिरिनुपर्छ। विश्वकप २०२६ मा इरानको कथा त्यस्तै दुर्भाग्यपूर्ण बन्यो।
समूह चरणमा एक खेल पनि नहारेको इरान गोलअन्तरका आधारमा अन्तिम ३२ ९नकआउट चरण० मा पुग्नबाट वञ्चित भयो। अझ पीडादायी पक्ष के थियो भने इरानको नकआउट यात्रा अन्तिम क्षणमा लगातार दुईपटक टुट्यो।
न्युजिल्यान्ड र बेल्जियमसँग बराबरी खेलेपछि इरानलाई समूहको अन्तिम खेलमा इजिप्टलाई हराए नकआउटमा पुग्ने अवसर थियो। खेलको सुरुमै पछि परेको इरानले राम्रो पुनरागमन गर्यो। मेहदी तारेमीको पेनाल्टी बचाउ भए पनि रामिन रेजाइयानले कठिन कोणबाट सुन्दर गोल गर्दै खेल १–१ को बराबरीमा ल्याए।
इन्जुरी समयमा गोलपोस्टमा भएको भिडन्तपछि शोजा खालिलजादेहले बल जाली चुमाउँदै इरानलाई अग्रता दिलाए। त्यसपछि उनले जर्सी फुकालेर र सनग्लास लगाएर उत्सव मनाए। तर भिडियो सहायक रेफ्री ९भिएआर० को समीक्षा पछि उनको खुट्टाको औंला विपक्षी डिफेन्डरभन्दा थोरै अगाडि रहेको ठहर गर्दै गोल अफसाइड घोषित गरियो।
यससँगै खेल १–१ को बराबरीमा सकियो र इरानले आफ्नो भविष्यका लागि अर्को खेलको नतिजा कुर्नुपर्ने अवस्था बन्यो।
इरानको आशा त्यसपछि अल्जेरिया र अष्ट्रियाबीचको खेलमा टिकेको थियो। उक्त खेलमा कुनै एक टोली विजयी भए इरान नकआउटमा पुग्ने थियो।
खेल २–२ को बराबरीतर्फ अघि बढिरहेको अवस्थामा ९३औँ मिनेटमा रियाद माहरेजले गोल गर्दै अल्जेरियालाई ३–२ को अग्रता दिलाए। त्यससँगै इरानका समर्थकहरू नकआउट यात्रा सुनिश्चित भएको विश्वासमा थिए।
तर इन्जुरी समयकै अन्तिम क्षणमा अष्ट्रियाका सासा कालाज्डजिकले हेडमार्फत बराबरी गोल फर्काए। खेल ३–३ मा सकिएपछि इरानको सपना दोस्रोपटक अन्तिम क्षणमै चकनाचुर बन्यो।
तेस्रो स्थानमा रहेका टोलीहरूको प्रतिस्पर्धामा सेनेगलले उत्कृष्ट गोलअन्तरका आधारमा अन्तिम नकआउट स्थान सुरक्षित गर्यो। समूह ‘एच’ मा तीनवटै खेल बराबरी खेलेको केप भर्ड दोस्रो स्थानमा रहँदै अघि बढ्दा इरान भने प्रतियोगिताबाट बाहिरियो।
यसबीच इरानी प्रशिक्षक अमिर घालेनोईले आयोजक राष्ट्रले आफ्नो टोलीसँग अन्यायपूर्ण व्यवहार गरेको आरोप लगाए।
इरानले प्रतियोगिताभर अमेरिका प्रवेशसम्बन्धी कडा यात्रा प्रतिबन्धको सामना गर्नुपरेको थियो। टोलीलाई पहिलो दुई खेलका लागि खेल हुनुभन्दा एक दिनअघि मात्र अमेरिका प्रवेश गर्न अनुमति दिइएको थियो भने खेल सकिएकै दिन मेक्सिकोको टिजुआनास्थित आफ्नो आधार शिविर फर्किनुपर्ने बाध्यता थियो। प्रतियोगिता सुरु हुनुअघि उनीहरूको प्रशिक्षण शिविर पनि परिवर्तन गरिएको थियो।
इजिप्टविरुद्धको खेलअघि मात्र उनीहरूलाई दुई दिनअघि सिएटल पुग्न अनुमति दिइएको थियो।
खेलपछि घालेनोईले आफ्ना खेलाडीप्रति गर्व व्यक्त गर्दै भने, ‘यी खेलाडीहरूले गरेको संघर्ष इतिहासमा लेखिनुपर्छ। आयोजक राष्ट्रले हामीसँग अत्यन्तै अन्यायपूर्ण व्यवहार गर्यो। यति धेरै कठिनाइका बाबजुद पनि हामीले उत्कृष्ट प्रदर्शन गर्यौं र संसारले इरानी टोलीमाथि गर्व गरेको छ।’
उनले फिफालाई भविष्यका विश्वकपमा आयोजक राष्ट्रहरूले कुनै पनि टोलीसँग यस्तो व्यवहार गर्न नदिन आग्रह समेत गरे।
