0
Shares
काठमाडौं । नेपाल प्रिमियर लिग (एनपीएल) क्रिकेटमा आज दुई खेल हुने भएको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा दिउँसो साढे १२ बजे हुने पहिलो खेलमा विराटनगर किंग्स र पोखरा एभेन्जर्स भिड्ने छन् ।
५ खेलमध्ये २ मा जित र तीनमा हार बेहोरेको विराटनगर अंक तालिकाको छैटौं स्थानमा छ । पोखरा अंक तालिकाको पुछारमा छ । पोखराले ५ खेलमध्ये एकमा मात्र जित निकालेको छ ।
आज दिउँसो दोस्रो खेल साढे ४ बजे हुने दोस्रो खेलमा कर्णाली याक्स र लुम्बिनी लाइन्स आमनेसामने हुन्छन् । जसमा कर्णाली याक्स अंक तालिकाको सातौं स्थानमा छ । लुम्बिनी लाइन्स अंक तालिकाको ३ तेस्रो स्थानमा छ ।
कर्णाली याक्सले ५ खेल खेलेकोमा दुईमा जित र बाँकी तीन खेल हारेको छ । लुम्बिनी लाइन्सले ५ खेलमध्ये तीनमा जित, एकमा हार र एक खेल वर्षाका कारण रद्द हुँदा बराबरी अंक बाँडेको थियो ।
