0
Shares
काठमाडौं । नेपाल प्रिमियर लिग (एनपीएल) अन्तर्गत आज शनिबार २ खेल हुने तालिका छ।
तर निरन्तर वर्षाका कारण खेल हुने सम्भवना निकै कम देखिएको छ। वर्षाको पानीले त्रिवि क्रिकेट मैदान जलमग्न भएको छ।
आज पहिलो खेलमा लुम्बिनी लायन्स र चितवन राइनोज खेल्ने तालिका छ। सो खेल दिउँसो साढे १२ बजे सुरु हुनेछ।
दिनको दोस्रो खेलमा सुदूरपश्चिम रोयल्स र विराटनगर किंग्स खेल्नेछन्। सो खेल अपराह्न ५ बजे सुरु हुनेछ।
तर बिहीबार रातिदेखि जारी वर्षाले आजका लागि तोकिएका दुवै खेल हुने सम्भावना न्यून छ।
आजका लागि तोकीएका खेल वर्षाका कारण हुन नसके दुवै टोलीले अंक बाँड्नेछन्।
लुम्बिनी र चितवनले लिगको पहिलो खेलमा जित निकाल्दै विजय सुरुवात गरेका छन्।
लुम्बिनीले पहिलो खेलमा सुदूरपश्चिम रोयल्सलाई ७ विकेटले हराएको थियो।
चितवनले पनि विराटनगरलाई ८ रनले हराउँदै जित हात पारेको थियो।
वर्षा रोकिएर खेल भएको अवस्थामा दुवै टोली स्पष्ट जितको खोजीमा मैदान उत्रनेछन्।
एनपीएलका एक खेलमा जित र एक खेलमा हार भोगेको सुदूरपश्चिम लगातार दोस्रो जित निकाल्न चाहन्छ।
पहिलो खेलमा लुम्बिनीसँग पराजित भएको सुदूरपश्चिमले दोस्रो खेलमा पोखरा एभेन्जर्सलाई ६ विकेटले हराएको थियो।
लगातार दोस्रो हार भोगेको विराटनगरले भने पहिलो जित निकाल्न चाहन्छ।
विराटनगर पहिलो खेलमा चितवनसँग चितवनसँग ८ रनले पराजित भएको थियो।
दोस्रो खेलमा भने कर्णाली याक्ससँग ४ विकेटको हार बेहोरेको थियो।
