सत्ता गठबन्धन परिवर्तन भएसँगै ११ देशका राजदूत फिर्ता गर्ने निर्णय

काठमाडौं । सरकारले ११ देशका राजदूतहरूलाई फिर्ता बोलाउने भएको छ । बिहीबार बसेको मन्त्रिपरिषद् बैठकले विभिन्न देशका राजदूतहरूलाई फिर्ता बोलाउने निर्णय गरेको हो ।

सरकारकी प्रवक्ता रेखा शर्माका अनुसार भारत, अमेरिका, बेलायत, कतार, साउदी अरब, दक्षिण कोरिया, मलेसिया, स्पेन, पोर्चुगल, डेनमार्क र इजरायलका राजदूतलाई फिर्ता बोलाउने निर्णय भएको हो ।

यसअघि नेपाली कांग्रेस र नेकपा माअ‍ोवादी केन्द्रसहित विभिन्न दलको सत्ता समीकरणअनुसार राजनीतिक नियुक्ति पाएका राजदूतहरूलाई नयाँ समीकरण बनेसँगै फिर्ता बोलाउने निर्णय गरेको हो ।