काठमाडौं उपत्यका ट्राफिक प्रहरीका लागि वित्तीय साक्षरतासँगै सचेतना कार्यक्रम सम्पन्न

काठमाडौं । काठमाडौं उपत्यका ट्राफिक प्रहरी कार्यालयको समन्वय तथा लक्ष्मी सन्राइज क्यापिटल र लक्ष्मी सन्राइज बैंकको आयोजनामा ट्राफिक प्रहरी कर्मचारीका लागि पुँजीबजार साक्षरता तथा डिजिटल बैंकिङ्ग सुरक्षा र चुनौती सम्बन्धी कार्यक्रम सम्पन्न भएको छ ।

कार्यक्रममा ट्राफिक प्रहरीको दीर्घकालिन आर्थिक सुरक्षाका लागि धितोपत्र बजारका सम्यन्त्रहरु, लगानी गर्ने तरिका, फाइदा, चुनौतीलगायत सुरक्षित डिजिटल वित्तीय कारोबारबारे विस्तृत जानकारी गराइएको थियो ।

वक्ताहरुले सडक अनुशासन जस्तै वित्तीय अनुशासन पनि अपरिहार्य हुने उल्लेख गर्दै महिनाको सानो बचतबाट सुरक्षित लगानी सुरु गर्न सकिने बताए । बचतका साथै लगानी गर्ने बानी बसालौं र समृद्ध भविश्य निर्माण गरौं भन्ने उद्देश्यले कम्पनीको संस्थागत सामाजिक उत्तरदायित्वअन्तर्गत संचालन गरिएको कार्यक्रमले हरेक सहभागीमा लगानी गर्ने बानीप्रति सकारात्मक सोचको विकास गर्न प्रेरित गरिएको थियो ।

समारोहमा वरिष्ठ ट्राफिक प्रहरी अधिकृतहरु, आयोजक संस्थाका पदाधिकारी तथा उपत्यकामा कार्यरत ट्राफिक प्रहरीहरुको सहभागिता थियो ।