0
Shares
काठमाडौं। नेपालका लागि जेएसडब्लू एमजी गाडीको आधिकारिक आयातकर्ता तथा वितरक जीओ अटोमोबाइल्स प्रालिले सहज स्वामित्व, पारदर्शी स्पेयर पाट्र्स मूल्य र भरपर्दो बिक्रीपछिको सेवाप्रति आप्mनो प्रतिबद्धतालाई थप मजबुत बनाएको जनाएको छ।
कम्पनीले यो पहल सरकारी मूल्य पारदर्शिता सप्ताहसँग समन्वय गर्दै सुरु गरेको हो, जसले सरकारको पारदर्शितासम्बन्धी अवधारणा र एमजीको खुला, स्पष्ट तथा सहज मोबिलिटीप्रतिको प्रतिबद्धतालाई प्रतिविम्बित गर्ने कम्पनीको भनाइ छ।
कम्पनीले नेपालमा उपलब्ध एमजीका जेन्युइन स्पेयर पाट्र्सको मूल्यसूची सार्वजनिक गरेको छ। यसमार्फत गाडी स्वामित्वलाई अझ सहज, किफायती र पारदर्शी बनाउने उद्देश्य रहेको जनाएको छ।
कम्पनीका अनुसार एमजीका जेन्युइन स्पेयर पाट्र्स प्रतिस्पर्धी मूल्यमा उपलब्ध हुने भएकाले ग्राहकहरूले आफ्नो गाडीको मर्मत तथा व्यवस्थापन सहज र निर्धक्क रूपमा गर्न सक्नेछन्। एमजीका सबै स्पेयर पाट्र्स भारतस्थित आधिकारिक सप्लाइ चेनमार्फत ल्याइने कम्पनीले जनाएको छ।
यसले जेन्युइन गुणस्तर, छिटो उपलब्धता र किफायती मूल्य सुनिश्चित गर्ने विश्वास कम्पनीको छ। साथै ग्राहकलाई अझ बढी पारदर्शी जानकारी उपलब्ध गराउने उद्देश्यले कम्पनीले वार्षिक मर्मत खर्चसम्बन्धी विवरण पनि छिट्टै सार्वजनिक गर्ने बताएको छ।
सहज स्वामित्व सुविधासँगै जीओ अटोमोबाइल्सले नेपालमा एमजीको बिक्रीपछिको सेवा सञ्जाललाई पनि थप सुदृढ बनाउँदै लगेको जनाएको छ। काठमाडौंबाट सेवा विस्तारलाई प्राथमिकतामा राखेको छ भने ग्राहक सहयोगलाई आफ्नो मुख्य प्राथमिकतामा राखेको कम्पनीको भनाइ छ। यी पहलमार्फत जी.ओ. अटोमोबाइल्सले एमजी ग्राहकबीच दीर्घकालीन विश्वास र भरोसा निर्माण गर्ने लक्ष्य लिएको छ।
