एलन मस्कले डिप्रेसनको औषधि खान्छन् ?

काठमाडौँ । अर्बपति एलन मस्क प्रायः चर्चामा रहिरहन्छन्। केही दिनअघि उनले डिप्रेसनका लागि केटामाइन जस्ता औषधि प्रयोग गरेको खबर संचारमाध्यममा प्रकाशित भएको थियो । सो खबरमा टेस्ला र स्पेसएक्सका कैयौं बोर्ड सदस्यहरू एलन मस्कले यी औषधिहरू लिएको भन्दै निराश भएको बताइएको थियो । यस्ता औषधिले मस्कको स्वास्थ्य र व्यवसायमा असर पार्न सक्ने यी सदस्यहरुको भनाइ थियो । तर, यी सबै खबरका बीचमा चर्चित व्यापारीले भने केटामाइनको तारिफ गरेका छन् । यहिँ औषधि लिएर काममा थप ध्यान दिन सकेको उनको भनाइ छ ।

मेरो दिमागले नकारात्मक सोच्दछ

टेस्लाका सीईओले एक अन्तर्वार्तामा भनेका छन्, ‘कुनै समय यस्तो आउँछ जब मेरो दिमागले नकारात्मक सोच्दछ । सायद यो नै डिप्रेसन हो। डिप्रेसन कुनै खराब समाचारसँग जोडिएको छैन। केटामाइनले गलत सोचबाट बाहिर निस्कन मद्दत गर्छ।’ चिकित्सकले नै उनलाई औषधि दिएको पनि उनले बताए । उनले हरेक दोस्रो सातामा एक पटक यो औषधि खाने गर्छन्।

मस्कको सफाई

मस्कले थप भने, ‘यदि तपाईले धेरै केटामिन प्रयोग गर्नुभयो भने तपाईले काम गर्न सक्नुहुन्न। मेरो धेरै काम छ। म सामान्यतया १६ घण्टा काम गर्छु। त्यसकारण म लामो समयसम्म मानसिक रूपमा गम्भीर हुन नसक्ने यहाँ कुनै कारण छैन ।’ आफूले मदिरा पिउन र धुम्रपान गर्न नजानेको भन्दै उनले तर राति अबेरसम्म काम गर्दा सन्तुलित रहने पनि बताए। उनले केटामाइन वा अन्य कुनै औषधिको बारेमा भने स्पष्ट पारेका छैनन् ।

म जे पनि प्रयोग गर्न सक्छु

अर्बपति मस्कले डिप्रेसन आनुवंशिक भएकोमा जोड दिएका छन्। यसकासाथै औषधिको प्रयोगले उनीको सरकारी सम्झौता वा लगानीकर्ता सम्बन्धमा कुनै असर नपर्ने पनि उनले बताए । ‘वाल स्ट्रिटको परिप्रेक्ष्यबाट जे महत्त्वपूर्ण छ तयो नै कार्यान्वयन हुने हो,’उनले भने। ‘के तपाइँ लगानीकर्ताहरूको लागि मूल्य सिर्जना गर्दै हुनुहुन्छरु त्यसैले टेस्लाको मूल्य बाँकी कार उद्योगको कुल मूल्य बराबर छ। लगानीकर्ताको दृष्टिकोणबाट यदि मैले केहि लिइरहेको छु भने, मैले यसलाई लिइरहनुपर्छ ।’

मस्कले औषधि लिने मानिसहरूको दाबी

जनवरीमा प्रकाशित वाल स्ट्रिट जर्नलको रिपोर्ट अनुसार, विश्वका दोस्रो धनी व्यक्ति एलन मस्कलाई चिन्ने व्यक्तिहरूले उनले एलएसडी, कोकेन, एक्स्टेसी र साइकेडेलिक मसरूममार्फत नशा सेवन गरेको दाबी गरेका छन्। निजी पार्टीहरू संसारभर आयोजित हुन्छन्, जहाँ अतिथिहरूले सार्वजनिक नगर्ने सम्झौतामा हस्ताक्षर गर्छन् र फोन समेत बोक्न पाउँदैनन्। मस्कले यस्ता पार्टीमा लागुऔषध सेवन गरेको दाबी गरिएको छ । मस्कको असाधारण व्यवहार र उनको लागुऔषधको प्रयोगबाट टेस्लाकी पूर्व निर्देशक लिन्डा जोनसन यतिसम्म रिसाएको बताएकी थिइन् कि उनले डिसेम्बरमा इलेक्ट्रिक वाहन निर्माताको बोर्डमा फेरि चुनावमा भाग नलिने निर्णय गरिन्। तर, मस्कका वकिल एलेक्स स्पिरोका अनुसार व्यापारी एलन मस्कमाथि सधैँजसो अनुसन्धान भइरहे पनि उनले लागुऔषध सेवन गरेको कुरा कहिल्यै बाहिर आएको छैन ।

एजेन्सी।