भ्रष्टाचार गरेपछि रिक्त अध्यागमन विभागको महानिर्देशकमा निरौला, ११ जिल्लाको नयाँ सीडीओमा को-को ?

काठमाडौं । गृह मन्त्रालयले अध्यागमन विभागको महानिर्देशकमा कोषहरि निरौलालाई पठाएको छ । तत्कालीन महानिर्देशक रुद्रसिंह तामाङविरुद्ध अख्तियार दुरुपयोग अनुसन्धान आयोगमा मुद्दा परेपछि विभाग महानिर्देशकविहीन बनेको थियो ।

अध्यागमनमा सेवाहरु प्रभावित भइरहेको अवस्थामा गृह मन्त्रालयले मंगलबार गृहका सहसचिव रहेका निरौलालाई अध्यागमन विभागमा महानिर्देशक पठाएको हो ।

यस्तै, त्रिभुवन विमास्थल अध्यागमन कार्यालयका प्रमुख गोगनबहादुर हमाललाई राष्ट्रिय विपद जोखिम न्यनीकरण तथा व्यवस्थापन प्राधिकरणमा पठाएको छ । उनको ठाउँमा नरबहादुर थापालाई पठाइएको छ ।

गृह मन्त्रालयले ११ वटा जिल्लामा प्रमुख जिल्ला अधिकारी (सीडीओ)को सरुवा गरेको छ । संखुवासभामा ध्रुबहादुर खड्का, अर्घाखँचीमा सूर्यबहादुर क्षेत्री, लमजुङमा बुद्धबहादुर गुरुङ, ओखलढुंगामा नारायण ढकाल, रोल्पामा खिमबहादुर रायमाझी र जाजरकोटमा ऋषिराज आचार्यलाई सीडीओका रुपमा सरुवा गरिएको छ ।

रामराज कडरियालाई धनुषा, शिवकुमार कार्कीलाई खोटाङ, यज्ञराज जोशीलाई दार्चुला, मिना अर्याललाई तेह्रथुम र रवीन्द्र आचार्यलाई ताप्लेजुङको सीडीओको जिम्मेवारी दिएको छ । यसैगरी, कमलराज ढकाल सहसचिवका रूपमा गृह मन्त्रालयमा पुगेका छन् ।