ओलीलाई बालेनको ब्याङ्ग्य गिरीबन्दुको जग्गामा १५ हजार परिवारलाई व्यवस्थापन गर्न सकिन्थ्यो

काठमाडौँ
काडठमाडौँ महानगरपालिका मयेर बालेन्द्र(बालेन) शाहले नेकपा एमाले अध्यक्ष केपी शर्मा ओलीलाई गिरीबन्दुको जग्गामा काठमाडौँमा भएका १५ हजार सुकुम्बासीलाई व्यवस्थापन गर्न पुग्ने भन्दै ब्याङ्ग्य गरेका छन् । सामाजिक सञ्जाल फेसबुकमा शनिवार लेख्दै मेयर बालेनले काठमाडौंको खोला छेउमा बस्ने २ हजार भए पनि गिरीबन्दुको जग्गा सरकारको भएमा १५ हजार परिवारलाई व्यवस्थापन गर्न सकिने उल्लेख गरेका हुन् ।
ओलीले बोलेनलाई काठमाडौँका सुकुम्बासीको घर भत्काउन डोजर लिएर गएको भन्दै आलोचना गरेपछि शनिवार उनले प्रतिवाद गरेर गिरीबन्धुको जग्गाको प्रशंग उप्काएका हुन् । ‘काठमाडौँमा लगभग २००० परिवार खोला छेउमा बस्ने गरेका छन् । तपाईले पचाउँन खोज्नु भएको गिरिबन्धु’मा यस्ता १५००० परिवार व्यवस्थापन हुन सक्छ’ बालेनले ब्याङ्ग्य गर्दै लेखेका छन्, ‘अब त प्रधानमन्त्री नि बन्दै हुनुहुन्छ रे, त्यो पनि दुई तिहाई बहुमतसहित । अब यो समस्याको समाधान गर्नु हुनेछ भन्ने आशा लिएको छु ।’

फेसबुकमा बालेनको स्टाटस जस्ताको त्यस्तै

माननीय केपी ओलीज्यू,
आज काठमाडौँमा केहि घण्टा पानी पर्दा खोला छेउ बस्ने धेरै डुबानमा परे । खोला बस्तीमा पसेको हैन, खोलाले आफ्नो बाटो खोजेको हो । आज एकदिन पानी पर्दा त यस्तो हालत छ, केही दिन लगातार पानी पर्दा के हालत हुने हो !
अनि ठुलो दुर्घटना कुन दिन आउँछ भनेर कुर्दै बस्ने हो र हामी ? उहाँहरूको जीवनसँग खेलवाड गरेर भोटको राजनीति यसरी नै सँधै गरिरहने हो ? उहाँहरूलाई उचित ठाउँमा लगेर व्यवस्थापन गर्नेतर्फ सोच्ने कि उहाँहरूलाई जसरी ३० बर्ष झुलाइसक्नु भयो, अझै अर्को ३० बर्ष पनि झुलाउने सोच बनाउनु भएको छ ?
काठमाडौँमा लगभग २००० परिवार खोला छेउमा बस्ने गरेका छन् । तपाईले पचाउँन खोज्नु भएको गिरिबन्धु’मा यस्ता १५००० परिवार व्यवस्थापन हुन सक्छ । अब त प्रधानमन्त्री नि बन्दै हुनुहुन्छ रे, त्यो पनि दुई तिहाई बहुमतसहित । अब यो समस्याको समाधान गर्नु हुनेछ भन्ने आशा लिएको छु ।