अमेरिकालाई इरानको चेतावनी: ऊर्जा केन्द्रलाई निशाना बनाए स्ट्रेट अफ हर्मुज पूर्ण बन्द हुन्छ

काठमाडौं । अमेरिकी राष्ट्रपति डोनाल्ड ट्रम्पले देशको ऊर्जा प्लान्टलाई निशाना बनाएमा रणनीतिक महत्वको ‘स्ट्रेट अफ हर्मुज’ पूर्ण रुपमा बन्द गर्ने इरानको सेनाले आइतबार चेतावनी दिएको छ ।

अमेरिकी राष्ट्रपति ट्रम्पले इरानमाथि भएको युद्धको सुरुवात फेब्रुअरी २८ देखि नै इरानलाई हर्मुज नाका सम्प्रर्ण रुपमा पुनः खोल्न ४८ घण्टाको समय दिएको थियो । त्यसपछि यो युद्ध मध्यपूर्वमा फैलिएको छ । इरानले यस क्षेत्रमा इजरायल र अमेरिकी चासोमाथि ड्रोन र मिसाइल आक्रमणको साथ जवाफ दिएको छ ।

‘यदि, इरानको पावर प्लान्टहरूको बारेमा अमेरिकाले धम्की दियो भने, ‘स्ट्रेट अफ हर्मुज पूर्ण रूपमा बन्द हुनेछ, र हाम्रो नष्ट भएका विद्युत उत्पादन प्लान्टहरू पुनर्निर्माण नभएसम्म यो पुनः खोलिने छैन,’ सेनाको अपरेशनल कमान्ड खातम अल अन्बियाले एक विज्ञप्तिमा उल्लेख गरेको छ ।

इरानी सेनाले इजरायलको ‘पावर प्लान्ट’, ऊर्जा, र सूचना र सञ्चार प्रविधि (आइसिटी) पूर्वाधार साथै क्षेत्रीय देशहरूमा रहेका अमेरिकी लगानीका पावर प्लान्ट र अमेरिकी सेयरधनीहरू भएका कम्पनीहरूमा पनि आक्रमण गर्ने बताएको छ । इरानी सेनाले भनेको छ, ‘हाम्रो देश र हाम्रो राष्ट्रको हितको रक्षाका लागि’ अन्य उपायहरू अपनाइने छ ।’

युद्धको सुरुवातदेखि विश्वको २० प्रतिशत कच्चा तेल र तरलीकृत प्राकृतिक ग्याँस जाने यस जलमार्गबाट हुने यातायात लगभग ठप्प भएको छ । एनालिटिक्स फर्म केप्लरका अनुसार तुलनात्मक रुपमा थोरै संख्यामा जहाजहरूले यसलाई आपूर्ति गर्न सक्षम भएका छन् । यो संख्या युद्धपूर्वको तुलनामा लगभग पाँच प्रतिशत मात्र हो ।

इरानी सेनाले धेरै जहाजहरूमा आक्रमण गरेको छ । जहाजहरूले जलमार्ग पार नगर्ने ‘चेतावनी’ पालन गर्न असम्भव भएको बताएका छन् । हालैका दिनहरूमा इरानले आफूले मित्रवत् ठानेका देशका केही जहाजलाई आवतजावत गर्न अनुमति दिएको छ । आफूविरुद्ध ‘आक्रमण’मा सामेल भएका देशका जहाजहरू रोक्ने चेतावनी दिएको छ ।

संसदका सभामुख मोहम्मद बाघेर गालिबाफले सामुद्रिक यातायात ‘युद्धपूर्वको अवस्थामा नफर्कने’ बताएसँगै इरानको संसदले जलडमरूको मध्य क्षेत्र हुँदै जहाजमा कर लगाउने योजना बनाइरहेको बताएको छ ।