0
Shares
गण्डकी । ‘जेनजी’ आन्दोलनका क्रममा पोखरा महानगर र मातहतका कार्यालयबाट लुटपाट गरिएका सामग्री फिर्ता गर्न आग्रह गरेको छ ।
महानगरले आज सार्वजनिक सूचनामार्फत भदौ २४ गते आगजनी तथा तोडफोड गरी लुटिएका सवारी साधन, टेलिभिजन, कम्प्युटर, ल्यापटप, प्रिन्टर, फर्निचरलगायत सामग्री सम्बन्धित निकाय वा नजिकको प्रहरी कार्यालयमा बुझाउन आग्रह गरेको हो ।
तोडफोड, आगजनी र लुटपाटमा संलग्न व्यक्तिहरूको पहिचान गर्ने काम भइरहेको र त्यस्ता सामग्री फिर्ता नगरेमा सम्बन्धित व्यक्तिलाई प्रचलित कानुनबमोजिम अनुसन्धानको दायरामा ल्याई कारबाही प्रक्रिया अगाडि बढाइने महानगरले जनाएको छ ।