0
Shares
काठमाडौं । उत्तर कोरियाली एक सैनिक आफ्नो देशबाट भागेर दक्षिण कोरिया पुगेका छन् ।
योनहाप समाचार एजेन्सीले एक अज्ञात सैन्य अधिकृतलाई उद्धृत गर्दै भनेको छ, ‘उत्तर कोरिया छाडेर सीमा पार गरेपछि मंगलबार बिहान उत्तरपूर्वी काउन्टी गोसेओङमा हिरासतमा लिइएको थियो ।’
उनलाई भाग्नुको कारणबारे सोधपुछ गरिएको थियो । दक्षिण कोरियाली रक्षा अधिकारीलाई उद्धृत गर्दै नाम नखुलेको रिपोर्ट गरिएको छ ।
उत्तर कोरियाली बासिन्दाले देशको पश्चिमी तट नजिकैको सीमा पार गरेको करिब दुई हप्तापछि यो नयाँ घटना सार्वजनिक भएको हो ।
दुई कोरियाबीचको अत्याधिक बलियो सीमा पार गर्नु अत्यन्तै जोखिमपूर्ण र तुलनात्मक रूपमा दुर्लभ घटना मानिन्छ । यसरी भाग्ने उत्तर कोरियाली नागरिक चीन र अन्य तेस्रो मुलुक हुँदै दक्षिण कोरिया जाने गर्छन् ।
