0
Shares
काठमाडौं । केन्द्रीय अनुसन्धान ब्यूरोले तत्कालीन किष्ट बैंक घोटालामा संलग्न टेलर हेड रोहितलाल श्रेष्ठलाई पक्राउ गरेको छ ।
उनले बैंकको नक्कली कागजात, छाप, बैंक कर्मचारी र सुरक्षा गार्डसमेत तयार गरी बैंकलाई झुक्काई नोक्सानी गरेको मुद्दामा सर्वोच्च अदालतबाट २०८० असोज १५ गते दुई वर्ष कैद सजाय तोकिएका उनलाई महाराजगन्जबाट पक्राउ गरेको हो ।
अदालतले उनलाई १३ लाख ३३ हजार ३३३ जरिवानासमेत गरेको थियो । ठमेल शाखामा जुनियर असिष्टेन्ट पदमा कार्यरत उनले टेलर हेडको जिम्मेवारीमा हुँदा उक्त घोटाला गरेको अनुसन्धानबाट खुलेको छ ।
श्रेष्ठलाई फैसला कार्यान्वयनको लागि काठमाडौं जिल्ला अदालतमा उपस्थित गराइएको व्यूरोका प्रवक्ता शिवकुमार श्रेष्ठले जानकारी दिए ।
