इरानमाथि आक्रमणसँगै सुनचाँदीको मूल्यमा भारी वृद्धि

काठमाडौं । आज आइतबार सुनचाँदीको भाउ वृद्धि भएको छ । यस दिन सुनको भाउ तोलाको ५ हजार ६०० रूपैयाँले वृद्धि भएको छ ।

यस अघि शुक्रबार एक तोला सुनको मूल्य ३ लाख १४ हजार ९०० रुपैयाँ रहेकोमा आज आइतबार ३ लाख २० हजार ५०० रुपैयाँ पुगेको छ ।

चाँदीको भाउ पनि तोलाको २४५ रूपैयाँले बढेर ५ हजार ९८५ रुपैयाँ पुगेको छ ।

हिजो शनिबार अमेरिका र इजरायलले इरानमा हमला गरेपछि मध्यपूर्व तनाव श्रृजना भएको छ । जसको जवाफी आक्रमणमा इरान उत्रिएको छ । यसले ठूलो युद्धको संकेत गरेको छ ।