एमएडब्लू अर्थमुभर्स लगातार चौथो वर्ष ‘डिलर अफ द इयर, अवार्डबाट सम्मानित

काठमाडौं । नेपालमा जेसीबीका कन्स्ट्रक्सन तथा हेभी इक्विपमेन्टको एकमात्र आधिकारिक वितरक एमएडब्लू अर्थमुभर्स प्रा.लि.ले अन्तर्राष्ट्रिय मञ्चमा पुनः सफलता हासिल गरेको छ ।

जेसीबी एनुअल डिलर कन्फरेन्स २०२६ मा कम्पनीले लगातार चौथो वर्ष ‘डिलर अफ द इयर-साउथ एसिया रिजन’ अवार्ड जित्न सफल भएको हो । चार वर्षसम्म लगातार यो क्षेत्रीय स्तरको शीर्ष उपाधि जित्नुलाई कम्पनीको ऐतिहासिक उपलब्धिको रुपमा हेरिएको छ ।

यो अवार्ड १८ फेब्रुअरीमा श्रीलंकामा आयोजित वार्षिक जेसीबी डिलर सम्मेलनमा प्रदान गरिएको थियो । एमएडब्लू अर्थमुभर्सका अध्यक्ष विष्णु कुमार अग्रवालले जेसीबी इन्डिया लिमिटेडका सीईओ तथा प्रबन्ध निर्देशक दीपक शेट्टीबाट यो सम्मान ग्रहण गरेका थिए । कार्यक्रममा सीईओ तेज प्रसाद सुवेदी तथा सीओओ (रिटेल सेल्स) दुर्गा प्रसाद निरौलाको पनि उपस्थिति रहेको थियो ।

‘डिलर अफ द इयर’ अवार्ड उत्कृष्ट बिक्री, बजारमा मजबुत उपस्थिति र ग्राहक सन्तुष्टिको कडा मूल्यांकनका आधारमा प्रदान गरिन्छ । अत्यन्तै प्रतिस्पर्धाको बीचमा पनि एमएडब्लू अर्थमुभर्सले नेपालको हेभी इक्विपमेन्ट क्षेत्रमा आफ्नो अग्रणी स्थान र ‘नम्बर १’ को स्थिति जोगाइराख्न सफल भएको छ ।

यो सम्मान कम्पनीप्रतिको विश्वास र उत्कृष्ट कामको प्रमाण हो । आफ्नो फैलिँदो सञ्जाल र ग्राहकलाई प्राथमिकता दिने नीतिका कारण यो सम्भव भएको हो । यस उपलब्धिले नेपालको पूर्वाधार विकास र राष्ट्रिय समृद्धिमा योगदान पुर्‍याउने कम्पनीको लक्ष्यलाई अझ बलियो बनाएको छ ।

यस अवसरमा एमएडब्लू ग्रुप अफ कम्पनीजका एमडी तथा चेयरम्यान विष्णु कुमार अग्रवालले भने, ‘यो महत्वपूर्ण उपलब्धिले हाम्रो नेतृत्व क्षमता, काम गर्ने शैली र ग्राहकले हामीमाथि राख्नुभएको विश्वासलाई फेरि प्रमाणित गरेको छ। हामी यो सम्मान देश निर्माणमा जुट्नुभएका सम्पूर्ण निर्माण समुदायलाई समर्पित गर्दछौँ। सडक, पुल, जलविद्युत आयोजना, विमानस्थल र स्मार्ट सिटी निर्माणमा योगदान गर्ने प्रत्येक उद्यमी र पेसाकर्मी यस सम्मानका हकदार हुनुहुन्छ। हामी सबै मिलेर सशक्त नेपालको आधार निर्माण गरिरहेका छौं। लगातार चौथो वर्ष यो उपाधि जित्नुले उत्कृष्ट मेसिनरी र सेवामार्फत नेपालको विकासलाई गति दिने हाम्रो अठोटलाई अझ सुदृढ बनाएको छ ।’

अग्रवालले देशभरका निर्माण व्यवसायीलाई विशेष धन्यवाद दिए । जसको नेतृत्वले राष्ट्रिय पूर्वाधार विकास अघि बढिरहेको छ । साथै, उनले प्राविधिक, इन्जिनियर र सर्भिस प्रोफेसनल सम्मिलित जेसीबी टोलीको मिहिनेतले नै हरेक प्रोजेक्टमा विश्वसनीयता कायम भएको बताए । उनले यो सफलता राष्ट्र निर्माणमा समर्पित सबैको साझा जित भएको उल्लेख गरे ।

यस्ता उपलब्धिमार्फत एमएडब्लू अर्थमुभर्सले एक जिम्मेवार नेतृत्वकर्ताको रूपमा आफूलाई प्रमाणित गर्दै दिगो र प्रगतिशील नेपाल निर्माणतर्फ आफ्नो प्रतिबद्धता दोहोर्‍याएको छ । एमएडब्लू अर्थमुभर्स प्रालिको बारेमा एमएडब्लू अर्थमुभर्स, सन् १९६४ मा स्थापित नेपालको प्रतिष्ठित व्यावसायिक समूह एमएडब्लू ग्रुपको एक हिस्सा हो ।

जेसीबीको आधिकारिक वितरकका रुपमा यसले ब्याकहो लोडर, एक्जाभेटर, ह्वील्ड लोडर र टेलिह्यान्डलर लगायतका उपकरण उपलब्ध गराउँदै आएको छ । कम्पनीको बलियो सर्भिस नेटवर्क देशभर फैलिएको छ ।