‘टिकटक’ बनाउँदा कालीगण्डकीमा एक जना बेपत्ता

0 Shares

काठमाडौं । म्याग्दीको बेनी नगरपालिका ८ कालीपुलमा टिकटक बनाउने क्रममा कालीगण्डकी नदीमा खस्दा एक जना बेपत्ता भएका छन् ।

कालीकोटको शुभकालिका गाउँपालिका ८ का अन्दाजी २२ वर्षीय सदान्द पोखरेल टिकटक बनाउने क्रममा कालीगण्डकीले बगाएर बेपत्ता भएका जिल्ला प्रहरी कार्यालय म्याग्दीले जनाएको छ ।

कालीपुल बसपार्कको गण्डकी होटल एण्ड रेष्टुरेष्टको पछाडि कालीगण्डकीको किनारमा टिकटक बनाउने क्रममा चिप्लिएर नदीमा बेपत्ता भएका पोखरेलको खोजी जारी रहेको प्रहरी निरीक्षक सागर पौडेलले जानकारी दिए ।

पोखरेल म्याग्दीको रघुगंगा गाउँपालिका ७ मा रहेको ठूलोखोला जलविद्युत् आयोजनामा कार्यरत थिए ।

उनले जिल्ला प्रहरी कार्यालयका प्रहरी नायब उपरीक्षक सुर्यबहादुर थापाको टोलीसहित सुरक्षाकर्मी परिचालन गरी बेपत्ता पोखरेलको खोजी भइरहेको बताए ।

सम्बन्धित समाचार