सुनको मूल्यमा तोलामा पाँच हजार बढ्यो, आज कति पुग्यो ?

काठमाडौं । नेपाली बजार बुधबार एकै दिन सुनको मल्य तोलामा पाँच हजार रुपैयाँ बढेको छ ।

अन्तर्राष्ट्रिय बजारमा मूल्य बढेसँगै नेपालमा प्रभाव परेको नेपाल सुनचाँदी व्यवसायी महासंघले जनाएको छ ।

बुधबार महासंघले सुनको मूल्य प्रतितोला एक लाख ८९ हजार ८०० रुपैयाँ तोकेको छ । अघिल्लो दिन प्रतितोला एक लाख ८४ हजार ८०० रुपैयाँ थियो ।

चाँदीको मूल्य तोलामा ५० रुपैयाँ बढेको छ । अघिल्लो दिन प्रतितोला एक हजार ९४० रुपैयाँमा रहेको चाँदी आज एक हजार ९९० रुपैयाँ कायम भएको महासंघले जनाएको छ ।