सुनको मूल्यले बनायो कीर्तिमान, कतिमा हुँदैछ कारोबार ?

काठमाडौं । नेपाली बजारमा शुक्रबार सुनको मूल्यले नयाँ रेकर्ड बनाएको छ । बिहीबार १६ सय रुपैयाँले बढेको सुन शुक्रबार ५०० रुपैयाँले बढेसँगै नयाँ रेकर्ड बनेको हो ।

नेपाल सुन चाँदी व्यवसायी महासंघका अनुसार आज छापावाला सुनको मूल्य प्रतितोला एक लाख ४९ हजार ९०० रुपैयाँमा कारोबार भइरहेको छ । बिहीबार छापावाला प्रतितोला एक लाख ४९ हजार ४०० रुपैयाँमा कारोबार भएको थियो ।

यस्तै, शुक्रबार चाँदीको मूल्य एक हजार ७९५ रुपैयाँमा कारोबार भइरहेको छ । बिहीबार चाँदी एक हजार ८०० रुपैयाँमा कारोबार भएको थियो ।