0
Shares
काठमाडौं । सत्तारुढ दल राष्ट्रिय स्वतन्त्र पार्टी (रास्वपा)का महामन्त्री कविन्द्र बुर्लाकोटीले प्रधानमन्त्री वालेन्द्र शाहले संसद बैठकलाई सम्बोधन गर्ने कार्यतालिका तय भइनसकेको बताएका छन् ।
बुधवार संसद भवन परिसरमा सञ्चारकर्मीले प्रधानमन्त्रीले संसदलाई सम्बोधन कहिले गर्नुहुन्छ ? भन्ने प्रश्नको जवाफ दिँदै महामन्त्री बुर्लाकोटीले यस्तो जवाफ दिएको हुन् ।
सरकारले मन्त्रीहरुलाई कार्यविभाजन गरेर संसदमा जवाफ दिने तालिका बनाइरहेको जानकारी पनि आफूले पाएको बताए । उनले मन्त्रीहरुले सम्बन्धीत मन्त्रालयसँग सम्बन्धीत प्रश्नको जवाफ दिनेगरी कार्यविभाजन गरिएको समेत बताए ।
उनले संसदमा उठेका सबै प्रश्नको जवाफ दिनेगरी सरकारले तयारी गरिरहेको भएपनि प्रधानमन्त्री स्वयंले संसदलाई कहिले सम्बोधन गर्ने भन्नेबारे स्पष्टता नभएको संकेत गरे ।
लामो समयदेखि प्रतिपक्षी दलहरुले संसदमा प्रधानमन्त्री स्वयंले जवाफ दिनुपर्ने माग गर्दै आएका छन ।
