टिआरसी विधेयकको कानुनी भाषा मिलाएर बिहीबार प्रतिवेदन तयार गरिने

काठमाडौं
बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन, २०७१ लाई संशोधन गर्न बनेको (टिआरसी) विधेयकको कानुनी भाषा मिलाएर अन्तिम रुप दिइने भएको छ । गृह मन्त्रालयमा कार्यदलका सदस्य एवं गृह मन्त्री रमेश लेखक,नेकपा एमालेका प्रमुख सचेतक महेश बर्तौला र नेकपा माओवादी केन्द्रका उपमहासचिव जनार्दन शर्मा सहित सरोकारवालबिच छलफल भएपछि कानुनी भाषा मिलाएर फाइनल गर्ने निष्कर्षमा पुगेका हुन् ।
एमाले प्रमुख सचेतक बर्तौलाले टिआरसी विधेयकको सैद्धान्तिक विषयमा समझदारी भई सकेकाले बिहीबार विहान कानुनी भाषा मिलाएर प्रतिवेदन तयार गरिने बताए । ‘टिआरसीका विषयमा महान्यायधीवक्ता,कानुन मन्त्रालयका सचिव, नेपाली सेनाको कानुन हेर्ने निकाय र टिआरसी सचिवसँग छलफल भयो’ उनले भने, ‘टिआरसीको संशोधित विधेयक, उमसमितिले तयार गरेको प्रतिवेदन, कार्यदलमा भएको समझदारी सबैलाई एउटै डालोमा हालेर कानु्नी भाषा मिलाएर प्रतिवेदन तयार हुने छ ।’ अब बिहीबार विहान कार्यदल सहित सरोकारबालापक्ष सबै बसेर भाषागत रुपमा मिलाएमा प्रतिवेदन तयार गरिने बर्तौलालले बताए । कार्यदलमा टिआरसी विधेयकमा विषयमा सहमती भई सकेकाले कानुनी भाषा मिलाएमा प्रतिवेदनलाई अन्तिम रुप दिएर प्रधानमन्त्री सहित शीर्ष नेतृत्वलाई बुझाइने भएको छ ।
यसै असार १३ गते टिआरसी विधेयकमा सहजीकरण गर्न कांग्रेसबाट लेखक, एमालेबाट बर्तौला र माओवादी केन्द्रबाट शर्मालाई राखेर कार्यदल गठन गरिएको थियो । जसमा टिआरसीमा चार बुँदामा विवाद भएकाले कार्यदल बनाएर सहजीकरण गरेपछि शीर्ष नेतृत्वले टुङ्गो लगाउने बताएको छ ।