आज पनि बढ्यो सुनको मूल्य, तोलामा कति पुग्यो?

काठमाडौं । स्थानीय बजारमा आज सुनको मूल्य बढेको छ । यस्तै, चाँदीको मूल्यमा गिरावट आएको छ ।

नेपाल सुन चाँदी व्यवसायी महासंघका अनुसार आज सुनको मूल्य तोलामा ६ सय रुपैयाँ बढेको हो । योसँगै आज सुनको मूल्य तोलामा २ लाख ७५ हजार ६ सयमा कारोबार भइरहेको छ ।

मंगलबार तोलामा ७ सय रुपैयाँ बढेर सुनको मूल्य २ लाख ७५ हजार रुपैयाँमा कारोबार भएको थियो ।

त्यसैगरी आज चाँदीको मूल्यमा गिरावट आएको छ । आज चाँदीको मूल्य तोलामा २० रुपैयाँ घटेर ३ हजार ६५५ रुपैयाँमा कारोबार भएको छ । मंगलबार ४५ रुपैयाँ घटेर चाँदीको मूल्य ३ हजार ६७५ रुपैयाँ कायम भएको थियो ।