होण्डाको नयाँ चाडपर्व अफर: नयाँ कार खरिद गर्दा १० लाखसम्मको भारी छुट

काठमाडौं। नेपालीहरूको महान् चाड बडादशैँ, तिहार तथा छठ पर्वको अवसरमा नेपालका लागि होण्डा कारको आधिकारिक वितरक स्याकार ट्रेडिङ प्रालिले विशेष चाडपर्व अफर सार्वजनिक गरेको छ। कम्पनीले ग्राहकहरूका लागि ‘FESTIVE OFFER HONDA को सफर’ नामक आकर्षक योजना बजारमा ल्याएको हो।

यस योजना अन्तर्गत ग्राहकहरूले होण्डाका नयाँ कार खरिद गर्दा १० लाख रुपैयाँसम्मको नगद छुट प्राप्त गर्न सक्नेछन्।

अफरका मुख्य सुविधाहरू

निःशुल्क कर तथा बीमा: नयाँ कार खरिदमा १ आर्थिक वर्षको सडक कर र १ वर्षकै लागि पूर्ण बीमा (Full Insurance) निःशुल्क उपलब्ध।

सर्भिसिङ र सडक सहायता: ५ वर्षसम्म निःशुल्क सर्भिसिङ र १ वर्षका लागि निःशुल्क सडक सहायता (Roadside Assistance) सुविधा।

एक्सचेन्ज सुविधा: पुरानो गाडी साटेर नयाँ कार लिन चाहनेका लागि ‘अन-द-स्पट’ एक्सचेन्जका साथै आकर्षक एक्सचेन्ज बोनस।

सुलभ फाइनान्सिङ: स्याकार हायर पर्चेज र एनआईसी एसिया बैंकसँगको सहकार्यमा निकै कम ब्याजदरमा सहज फाइनान्सको व्यवस्था।

योजनाको अवधि
‘Drive a Brighter Tomorrow’ भन्ने नाराका साथ सुरु गरिएको यो अफर इन्द्रजात्राको दिन (सेप्टेम्बर २५, २०२६) देखि छठ पूजा (नोभेम्बर १६, २०२६) सम्म देशभरका होण्डा कार शोरुमहरूमा लागू हुनेछ।

कम्पनीका अनुसार यो अफर होण्डाका Honda CR-V, Elevate, City, र City e:HEV मोडलहरूमा उपलब्ध हुनेछ। योजनासम्बन्धी विस्तृत जानकारी तथा नियम र सर्तहरूबारे बुझ्न ग्राहकले आफ्नो नजिकैको होण्डा शोरुममा सम्पर्क गर्न सक्नेछन्।