0
Shares
काठमाडौं । अगस्ट २०२६ मा भारतमा सर्वाधिक बिक्री हुने शीर्ष १० कारहरुमा टाटाको पन्च पहिलो स्थानमा परेको छ । भारतीय सञ्चार माध्यमहरुका अनुसार वागन आर र स्विफ्टलाई पछि पार्दै टाटा पञ्चले पहिलो स्थान कब्जा गरेको हो ।
अगस्ट २०२६ मा भारतको प्यासेन्जर भेहिकल (यात्रुवाहक गाडी) बजारले हरेक वर्ष नयाँ उचाई लिइरहेको छ । जसमा शीर्ष १० सर्वाधिक बिक्री हुने कारहरूमध्ये नौ वटाले बिक्री परिमाण (भोल्युम) मा वृद्धि हासिल गरेका छन् ।
अगस्ट महिनामा टाटा पञ्च भारतको सबैभन्दा बढी बिक्री हुने कारको रूपमा उदाउँदै गर्दा मारुती सुजुकीका स्थापित मोडलहरू — वागन आर, स्विफ्ट र फ्रोङ्क्सलाई पछि पारेको छ ।
शीर्ष १० मोडलहरूले अगस्ट २०२६ मा कुल १ लाख ८३ हजार ३७ युनिट गाडी बिक्री गरेका छन् । गत वर्ष २०२५ को अगस्टमा १ लाख ३७ हजार ३३४ युनिटको तुलनामा यो वर्ष गाडीहरुको बिक्री झण्डै ३३ प्रतिशतले बढेको तथ्यांकले देखाउँछ ।
शीर्ष १० मा आफ्ना ६ वटा मोडलहरू समावेश गर्दै मारुती सुजुकीले वर्चस्व कायम गरेको छ भने टाटा मोटर्सले दुई मोडल सहित दोस्रो स्थान सुरक्षित गर्दा हुन्डाई र महिन्द्राका एक एक मोडल समावेश छन् ।
कुन कार कति बिक्री भए ? शीर्ष १० मोडलको बिक्री अवस्था यस्तो छ ।
गत वर्षको अगस्ट महिनामा कुल १० हजार ७०४ युनिट बिक्री भएको टाटाको पन्च २०२६ को अस्टमा २१ हजार ३२० युनिट बिक्री भएसँगै अगस्ट २०२६ मा भारतको सर्वोत्कृष्ट बिक्री हुने कार बन्यो । गत वर्षको सोही महिनाको तुलनामा यस वर्षको अस्टमा पन्चको बिक्री झण्डै दोब्बर अर्थात शतप्रतिशतले बढेको हो ।
२० हजार १८० युनिट गाडी बिक्रीसँगै वागन आरले अस्ट महिनाको भारतीय बजारमा दोस्रो स्थान हासिल गरेको छ । गत वर्षको अगस्टमा १४ हजार ५५२ युनिट बिक्री भएको यो गाडीको बजार ३९ प्रतिशतले बिस्तार भएको हो ।
त्यसैगरी १८ हजार ८३२ युनिट गाडी बिक्री गर्दै मारुती सुजुकी स्विफ्ट तेस्रो स्थानमा रहेको छ । गत वर्षको अस्टमा यो गाडीको बिक्री संख्या १२ हजार ३८५ युनिट थियो । समीक्षा अवधिमा यो गाडीको बिक्री ६० प्रतिशतले बढेको हो ।
मारुती सुजुकी फ्रोङ्क्सले गत वर्षको अगस्टको १२ हजार ४२२ युनिट गाडी बिक्रीको आँकडालाई यो वर्षको अगस्टमा १८ हजार ७३० युनिटका साथ चौथो स्थानमा उभ्याएको छ । समीक्षा अवधिमा यो गाडीको बिक्री ५१ प्रतिशतले बढेको हो ।
अर्टिगा मोडलको गाडीको गत वर्षको अगस्टको बिक्री संख्या १८ हजार ४४५ बाट १८ हजार ५१६ युनिट पुग्दा पाँचौं स्थानमा परेको छ ।
टाटा नेक्सोन १८ हजार ४३१ युनिट बिक्री सहित छैठौं स्थानमा रहेको छ । गत वर्षको यसै महिनामा नेक्सनको बिक्री संख्या १४ हजार ४ थियो । टाटा मोटर्सले शीर्ष १० पन्च पछि नेक्सनलाई दोस्रो एसयुभीका रुपमा बजार हिस्सा ओगटेको हो । पञ्च र नेक्सन गरी टाटाका दुई मोडलहरूले मात्र २०२६ को अगस्टमा ३९ हजार ७५१ युनिट गाडी बिक्री गरेका छन् । टाटाका दुवै उत्पादनले गत वर्षको अगस्टको बिक्रीमा यस पटक दोहोरो अङ्कको बढोत्तरी देखाएका हुन् ।
सातौं स्थानमा रहेको डिजायर मोडलको कार १८ हजार ४१८ युनिट बिक्रीका साथ भारतको सर्वाधिक बिक्री हुने सेडानको रूपमा स्थापित भएको छ । अगस्ट २०२५ मा १६ हजार ५०९ युनिट बिक्री भएको यो गाडीको बिक्री यस पटक १२ प्रतिशतले बढेको हो ।
आठौं स्थानमा रहेको हुन्डाई क्रेटा १६ हजार २८८ युनिट बिक्री भएका छन् । अगस्ट २०२६ को शीर्ष १० वरीयतामा पर्ने हुन्डाईको यो नै एकमात्र मोडल बनेको छ । गत वर्षको अगस्टमा १५ हजार ९२४ युनिटको तुलनामा २ प्रतिशतको सामान्य वृद्धि हो ।
नवौं स्थानमा रहेको बलेनो अगस्ट २०२६ मा १५ हजार ७४६ युनिट बिक्री भएको छ । गत वर्षको सोही महिनामा १२ हजार ५४९ युनिट बिक्री भएको यो गाडीले २५ प्रतिशतले बिक्री संख्या बढाएको हो ।
महिन्द्रा स्कोर्पियाले १५ हजार ५७६ युनिट बिक्रीका साथ शीर्ष १० को सूचीमा आफुलाई अटाएको छ गत वर्षको अगस्टमा ९ हजार ८४० युनिट बिक्री भएको यो गाडीको बिक्री परिमाण ५८ प्रतिशतले बढेको हो ।
शीर्ष १० मा ६ वटा मोडलका साथ मारुती सुजुकीको वर्चस्व
तथ्यांक अनुसार अगस्ट २०२६ मा सर्वाधिक बिक्री हुने १० कारहरूमध्ये ६ वटा मारुती सुजुकीका परेका छन् । जसमा वागन आर, स्विफ्ट, फ्रोङ्क्स, अर्टिगा, डिजायर र बलेनो रहेका छन् । यी ६ मोडलहरूको कुल १ लाख ११ हजार ४२२ युनिट गाडी बिक्री भएका छन् । यो भनेको अगस्ट महिनाको शीर्ष १० को कुल बिक्री परिमाणको करिब ६१ प्रतिशत हो ।
यद्यपि, समग्र शीर्ष स्थानमा भने टाटा मोटर्सले दबदबा कायम गरेको छ । टाटाको पन्चले मारुती सुजुकीका प्रत्येक मोडललाई पछि पारेको छ भने टाटाको नेक्सन छैटौँ स्थानमा छ । दुवै मोडलका गरी ३९ हजार ७५१ युनिट गाडी बिक्री भएका छन् ।
नेपाली बजारमा पनि टाटाको पन्चको माग अधिक रहेको छ । नेपालका लागि टाटा मोटर्सको आधिकारिक बिक्रेता सिप्रदी ट्रेडिङका अनुसार बजारमा पन्चको माग अनुसार समयमा नै गाडी उपलब्ध गराउन नसकिने अवस्था आउने हो कि भन्ने छ ।
बाढी पहिरोका कारण उत्पन्न असहज परिस्थितीमा टाटाको मात्र नभई समग्र आयात संकुचित भइरहेका बेला गाडीको उपलब्धता केही हदसम्म प्रभावित हुन सक्ने अवस्था छ । सिप्रदीले टाटाका पन्च र नेक्सनमा उपभोक्ताको अधिक आकर्षले आफुहरुलाई उत्साहित बनाएको प्रतिकृया दिएको छ ।
