0
Shares
काठमाडौं । गृहमन्त्री रमेश लेखकले कैलाली कारागारको सुरक्षा निकायका प्रमुखलाई बोलाएका छन् । एक जनाको मृत्यु हुने गरी भएको झडपबारे छलफल गर्न गृहमन्त्रीले सुरक्षा निकायका प्रमुखलाई बोलाएका हुन् ।
गृहमन्त्री लेखकले शनिबार सुरक्षा निकायका प्रमुखहरूलाई छलफलका लागि बोलाएका हुन् ।
शुक्रबार राति कारागारमा झडप हुँदा धनगढी ४ का भरत चौधरीको मृत्यु भएको थियो । घटनामा अन्य ४७ जना घाइते भएका छन् । घाइतेको उपचार भइरहेको छ ।
अहिले कैदीबन्दीले कारागार नियन्त्रणमा लिँदा सुरक्षा व्यवस्था अव्यवस्थित बन्न पुगेको छ ।
यसबारे सुरक्षा निकायका प्रमुखसँग गृहमन्त्री लेखकले छलफल गर्न लागेको उनको सचिवालयले जनाएको छ ।
