0
Shares
काठमाडौं । पूर्वराष्ट्रपति विद्यादेवी भण्डारीले कार्यकर्ताहरूसँग भेटघाट गर्न नेकपा एमालेसँग अनुमति लिइरहनु नपर्ने बताएकी छन्।
मंगलबार बिहान विराटनगर विमानस्थलमा पत्रकारको प्रश्नमा उनले एमाले आफूले संगठित सदस्यता नलिँदैदेखि काम गरेको पार्टी भएकाले यसका कार्यक्रममा सहभागी हुन कसैसँग अनुमति लिनुपर्ने आवश्यकता नरहेको बताएकी हुन् ।
‘राष्ट्रपति हुनुभन्दा पहिले, संगठित सदस्यता लिनुभन्दा पहिले नै पार्टीमा काम गरेको, चिनजान ठूलै छ, पार्टीमा त्यसरी परिचित भएको नेताले कार्यक्रममा मलाई बोलाउनु स्वाभाविकै हुन्छ’, उनले भनिन्, ‘मैले पनि समाजसँग साक्षात्कार गर्दै गर्नुपर्यो, भेटघाट गर्दै गर्नुपर्यो, के छ जनताको विचार, आकांक्षा? नयाँ पुस्ता के चाहन्छन्र, त्यसलाई पूरा गर्न, मैले सुरुमै भनेँ- राष्ट्रिय आकांक्षालाई साकार बनाउन हामी लाग्नुपर्छ, त्यो हाम्रो परम कर्तव्य हो, त्यसका लागि हामीले बाँचुन्जेल संघर्ष गर्नुपर्छ ।’
उनले नयाँ पुस्ताका लागि देशभित्र घुमफिर गर्न मैले नेकपा एमालेका कमिटी र नेताहरूसँग अनुमति लिइरहनुपर्छ भन्ने नलाग्ने बताइन । यता, यसअघि प्रधानमन्त्रीसमेत रहेका पार्टी अध्यक्ष केपी शर्मा ओलीले देशको नेतृत्व गरिसकेको व्यक्ति पार्टीमा फर्किन नहुने बताउँदै आएका छन् ।
