0
Shares
काठमाडौं । भाटभटेनी सुपरमार्केट प्रमुख सञ्चालन अधिकृत (सीओओ) पानु पौडेलले राजावादी आन्दोलनको घटना बर्बर र अमानवीय भएको प्रतिक्रिया दिएका छन् ।
विं.सं. २०४६ सालको जनआन्दोलन यताका आन्दोलनको साक्षी आफू पनि भएको भन्दै चैत १५ गते भएको आक्रमण इतिहासकै बिर्सनलायक घटना भएको बताए ।
बुधबार भाटभटेनी सुपरमार्केट कोटेश्वरमा आयोजित कार्यक्रममा सीओओ पौडेलले राजावादीको नाममा भएको भाटभटेनीमाथि तोडफोड, आगजनी र लुटपाटले आफूलाई दुखित बनाएको बताए ।
उनले गत १५ चैत २०८१ मा राजावादीको नाममा भएको तोडफोड, आगजनी र लुटपाटमा संग्लनलाई कानुनी कारबाहीको माग गरे ।
बुधबार तोडफोड, आगजानी र लुटपाट रोक्न बहादुरीपूर्वक काम गर्ने सुरक्षागार्ड तथा कर्मचारीलाई सम्मान गर्न भाटभटेनी सुपरमार्केटले कार्यक्रम गरेको थियो ।
कोटेश्वरस्थित भाटभटेनी सुपरमार्केट जोगाउन ‘बहादुरी’ प्रदर्शन गरेका सुरक्षागार्ड दुलप्रसाद पराजुलीसहित कर्मचारीलाई सम्मान गरियो ।
राजावादीका नाममा आएका लुटेराहरुको समूहले कोटेश्वरको भाटभटेनीमा तोडफोड, आगजनी र लुटपाट मच्चाएका थिए ।
