चितवनबाट रविले आफ्नै मतदाताको कति रकम हिनामिना गरे ?

काठमाडौँ । सहकारी रकम अपचलनको मुद्दामा बयान लिन राष्ट्रिय स्वतन्त्र पार्टी (रास्वपा)का सभापति रवि लामिछानेलाई चितवनको जिल्ला सरकारी वकीलको कार्यालय लगिएको छ ।

चितवनमा साहारा सहकारीको रकम अपचलन गरेको आरोपमा बयानका लागि रविलाई चितवन लगिएको हो । उक्त सहकारीबाट ४२ करोड रकम पाँच वटा कम्पनीमा गएको प्रहरीले जनाएको छ ।

हिनामिना भएको रकममध्ये १० करोड ८० लाख गोर्खा मिडिया नेटवर्कमा गएको देखिएको प्रहरीले जनाएको छ । रविले आफ्नै मतदाताले सहकारीमा राखेको बचत हिनामिना गरेका हुन् ।

लामिछानेलाई चितवन लैजाँदा सुरक्षाका लागि भरतपुर विमानस्थलमा ठूलो संख्यामा सुरक्षाकर्मी परिचालन गरिएको थियो । रविका समर्थकहरु विमानस्थल बाहिर पुगेर नाराबाजी गरेका थिए ।

यस क्रममा प्रहरी र रविका समर्थकबीच धकेलाधकेल भएको थियो । चितवन साहारा सहकारीको रकम अपचलनको विषयमा पीडितहरूले पछिल्लो पटक मंसिर ५ गते उनीसहित १० जनाविरुद्ध जाहेरी दिएका थिए । मंसिर ७ गते चितवनमा उनीविरुद्ध पक्राउ पुर्जी भएको थियो ।