0
Shares
काठमाडौं । सन नेपाल लाइफ इन्स्योरेन्सका प्रमुख कार्यकारी अधिकृत राजकुमार अर्याल चार महिनापछि काममा फर्किएका छन्।
कर्मचारीका लागि आरक्षित ४ लाख ९० हजार कित्ता सेयर वितरणमा मनोमानी गरेको आरोपमा नेपाल प्रहरीको केन्द्रीय अनुसन्धान ब्यूरो ९सीआईबी० ले गत चैत १६ गते अर्याललाई पक्राउ गरेको थियो। उनी गत चैत २६ गते नै रिहा भएका थिए। त्यतिखेर जिल्ला सरकारी वकिल कार्यालय काठमाडौंले अर्याललाई हिरासतमा राख्नका लागि दोस्रो पटक म्याद थप गर्न अस्वीकार गरेको थियो।
बिहीबार बसेको सञ्चालक समितिको निर्णयअनुसार अर्याल पूर्ववत् काममा फर्किएको कम्पनीले जनाएको छ। सीआईबीले मुद्दा चलाउनका लागि अनुसन्धान प्रतिवेदन नै नबुझाएपछि अर्याल काममा फर्किएका हुन्।
