साउन ४ गते पहिलो सोमबार तपाईको राशी कस्तो?

आज मिति २०८३ साउन ४ गते सोमबार । सन् २०२६ जुलाई २० तारिख । नेपाल सम्बत ११४६ दिल्लाथ्व सप्तमी तिथि । साउन महिनाको पहिलो सोमबार, आज बिहान ५ बजेर २० मिनेटमा झुल्किएको घाम साँझ ७ बजेर १ मिनेटमा अस्ताउनेछ । अब सुरु गरौँ आजको राशिफलः

मेष

घरेलु समस्याले सताउने र नियमित कार्यमा पनि अवरोध आउनसक्ने समय छ, होसियारीपूर्वक काम गर्नुहोला । विशेष योजना गोप्य राख्नु उचित हुनेछ । आजको दिन यातायातका साधनबाट जोगिन सजग रहनु हितकर हुनेछ । बन्न लागेको पनि बिग्रन सक्ने योग छ । व्यस्तताका साथै जोखिम बढ्ने देखिन्छ ।

बृष

आफ्नो क्षेत्रमा प्रभुत्व जमाउन सकिने समय छ । प्रतिष्ठित काम गरेर धेरैको मन लोभ्याउन सकिनेछ । नयाँ काममा भने समयमात्र बित्नसक्ने सम्भावना छ, नियमित कार्यलाई नै प्राथमिकता दिनु उचित हुनेछ । नोकरीमा आलश्य जाग्ने देखिन्छ, तर काम बिग्रिहाल्ने अवस्था आउने छैन ।

मीथुन

कर्मबल बढ्नेछ भने बोली र ब्यक्तित्वको प्रभाव वृद्धिले सजिलै काम बन्ने देखिन्छ । गरेका कामबाट राम्रै लाभ मिल्नेछ । यात्रागत कार्यको लागि राम्रो समय रहेको छ । यात्रा पनि रमाइलो हुनेछ, साथीभाइसँग भेटघाट पनि होला । ब्यापारमा गरेका प्रयासहरु सकारात्मक रहनेछन् । मिठो भोजन प्राप्त हुनेछ । सामथ्र्यवृद्धिले काममा सफलता मिल्नेछ ।

कर्कट

बोलीकै भरमा काम बन्नसक्ने समय छ । तपाईंप्रति ठूला व्यक्तिको आशा–भरोसा रहनाले आत्मविश्वासमा बढोत्तरी हुने देखिन्छ । मान–सम्मान वृद्धिले सुखको अनुभुति होला । सन्तान पक्षबाट सुखको समाचार सुन्न पाइएला । व्यापार र रोजगारीका क्षेत्रमा विशेष सफलता मिल्नेछ ।

सिंह

विभिन्न अवसरले पछ्याउनेछन् भने विचार तथा व्यवहारले धेरैलाई आकर्षण गर्ने समय छ । आजको दिन ब्यापार–ब्यवसायबाट पनि राम्रो लाभ लिन सकिन्छ । स्वास्थ्यस्थिति राम्रो रहनुका साथै नियमित काममा जाँगर बढ्नेछ । नयाँ काम मिल्ने योग छ । पढाइलेखाइमा राम्रै उन्नति गरेर अगाडि बढ्न सकिने छ ।

कन्या

शुभदायी समय छ । मनोरञ्जनात्मक तरिकाबाट काम बनी मन हर्षित रहला । पुराना साथीभाइसँगको भेटघाटले आशा–उत्साह जगाउनेछ । भौतिक साधन जुट्नेछन् भने आश मारेको रकम हातपर्न सक्ने योग छ । प्रेमसम्बन्ध उत्साहजनक रहनाले मन प्रफुल्ल हुनेछ । सभा–समारोहमा मान मिल्नेछ ।

तुला

जागिरको काममा खासै जाँगर नचले पनि कुनै नयाँ कामको स्रोत फेला पर्ने समय छ । व्यावसायिक यात्रा हुनसक्ने र यात्रा लाभदायी रहने देखिन्छ । सामाजिक कार्यमा मन जानेछ । नयाँ मित्रको आगमनले मन प्रशन्न रहला । धनलाभको योग छ । आरोग्यबल बढ्नेछ । मिठो भोजन प्राप्त हुनेछ ।

वृश्चिक

इर्ष्यालुजनको सक्रियाता बढ्ने देखिन्छ, आजको दिन नियमित कर्ममा केन्द्रित रही कार्य–व्यवहार गर्नु उचित हुनेछ । परिवारजनमा असमझदारी बढ्न सक्छ, सावधान रहनुहोला । मान्यजन वा अभिभावकवर्ग रुष्ट हुनसक्ने योग रहेकोले सतर्कताको दरकार छ । छरछिमेकमा विवाद वा झगडा हुनुबाट जोगिन प्रयत्न गर्नु हितकर हुनेछ ।

धनु

समय खासै राम्रो छैन । बाध्यतापूर्ण काममै दिन बित्न सक्छ । सजगता अपनाउन नसके ब्यापार–ब्यवसायमा घाटा ब्यहोर्नु पर्ला । अनावश्यक तथा नसोचेको ठाउँमा धन खर्च हुने योग छ । नियमित काममा खासै मन नजाला । गलत विचार बढ्नेछ । समयमा सहि निर्णय गर्न नसकिने अवस्थाको शिकार भइने देखिन्छ ।

मकर

अधुरा काम बनेर मन हर्षित हुने दिन छ । आश मारेको ठाउँबाट आर्थिक लाभ मिल्नुका साथै आम्दानी बढ्ने देखिन्छ । नियमित काममा सहयोगीहरूले राम्रो साथ दिनेछन् । आम्दानी वृद्धिका साथै नयाँ योजनाहरुको पनि सिर्जना हुने योग छ । परिश्रम र इमानदारीले अरुको विश्वास जित्न सकिएला । साझेदारीको काम बन्नेछ ।

कुम्भ

मिश्रित फलदायी समय छ । परिश्रमले लक्ष्य पूरा गर्न सकिनेछ तर राजनीतिक उद्देश्य अधुरै रहला । नियमित कार्यमा अप्ठ्याराको सामना गर्नुपर्ने देखिन्छ । आज सोच्दैनसोचेको ठाउँमा धन जाने सम्भावना छ । स्वास्थ्यमा केही सुधार आएपनि शारीरिक कमजोरीले सताउने सम्भावना छ ।

मीन

दिन उत्साहवर्द्धक छ । काम गर्न जाँगर चल्नेछ भने आम्दानी बढ्न सक्छ । भविष्यका लागि विशेष काममा जग बसाउने अवसर जुट्नेछ । आँटेगरेका काम पुरा भइ धनलाभ हुन सक्छ, ब्यापारमा पनि सामान्य लाभ हुने देखिन्छ । आरोग्यबल वृद्धि होला । नियमकानुनले साथ दिनाले शत्रुपक्ष परास्त हुनेछ ।