ललितपुर २ बाट पूर्व सञ्चार मन्त्री खरेल निर्वाचित

काठमाडौं । ललितपुर क्षेत्र नम्बर २ मा रास्वपाका जगदीश खरेल विजयी भएका छन्। ११ हजार ५४७ मत ल्याएर खरेल निर्वाचित भएको निर्वाचन अधिकृतको कार्यालयले जनाएको छ। उनी यसअघि सञ्चार तथा सूचना प्रविधिको जिम्मेवारीमा थिए। मन्त्रीबाट राजीनामा दिएर निर्वाचनमा होमिएका थिए ।

उनका निकटतम प्रतिस्पर्धी नेपाली कांग्रेसका उम्मेदवार प्रेमकृष्ण महजर्नले १५२१ मत प्राप्त गरेका छन्। तेस्रो नम्बरमा रहेका नेकपा एमालेका उम्मेदवार प्रेमबहादुर महर्जनले ११३६ भोट ल्याएका छन्। यसअघि यस क्षेत्रबाट एमाले निवाचित भएको थियो ।