सुनको मूल्य बढ्यो, तोलामा दुई लाख नजिक पुग्यो

काठमाडौं । नेपाली बजारमा आइतबार सुनको मूल्य बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा ४०० रूपैयाँले बढेको हो ।

शुक्रबार तोलामा एक लाख ९७ हजार १०० रुपैयाँ कायम भएको सुनको मूल्य आइतबार बढेर तोलामा एक लाख ९७ हजार ५०० रुपैयाँ कायम भएको हो ।

यस्तै चाँदीको मूल्य स्थिर बनेको छ । शुक्रबार तोलामा २ हजार १६५ रुपैयाँ कायम भएको चाँदीको मूल्य आइतबार सोही मूल्यमा कारोबार भइरहेको छ ।