0
Shares
काठमाडौं । नेपाल बैंक लिमिटेडको सञ्चालक समितिका तत्कालीन अध्यक्ष चन्द्र बहादुर अधिकारीविरुद्ध भ्रष्टाचार अभियोगमा एकै दिन तीन मुद्दा दर्ता भएको छ ।
अख्तियार दुरुपयोग अनुसन्धान आयोगले अधिकारीविरुद्ध ऋण मिलाइदिने शर्तमा छुट्टा-छुट्टै व्यक्ति तथा संस्थाबाट घुस लिएको आरोपमा तीन वटा मुद्दा दर्ता गरेको हो । अयोगले अस्पतालको सामान खरिदका लागि ऋण उपलब्ध गराइदिने शर्तमा घुस लिएको अभियोगमा १९ लाख रुपैयाँ बिगो र सजाय मागदाबी गरेको छ ।
कन्सट्रक्सनको ऋण उपलब्ध गरिदिने भनी घुस लिएकोमा ५ लाख रुपैयाँ बिगो र सजाय मागदाबी गरेको छ । यस्तै, आयोगले अकला देवी ट्रेडर्शको ऋण प्रक्रियामा सहजीकरण गरिदिने भनी घुस लिएको अभियोगमा ५० लाख रुपैयाँ बिगो र सजाय मागदाबी गरेको छ ।
साथै आयोगले घुस रकम जफत गर्न पनि माग गरेको छ ।
