झ्राँक्री प्रकाश भुजेल २ लाख धरौटीमा छुटे

काठमाडौं । झाँक्री प्रकाश भुजेल धरौटीमा छुटेका छन् । झाँक्री प्रकश भुजेल दुई लाख धरौटी बुझाएर रिहा भएका हुन्। बिहीबार उच्च अदालत पाटनले २ लाख धरौटीमा रिहा गर्न आदेश गरेको थियो ।

गत कार्तिक २८ मा काठमाडौँको शंखरापुर नगरपालिका–९ स्थित ब्रम्हखेलमा झाँक्रीले चलाएको जिपले ठक्कर दिँदा कागेश्वरी मनोहरा–२ घर भएका नारायण नगरकोटी र उनकी पत्नी सानुमायाको मृत्यु भएको थियो । झाँक्रीले चलाएको बा.१९ च २६९५ नम्बरको गाडीले नारायण नगरकोटीको दम्पती सवार बागमती प्रदेश–०२–०१८ प ६८७५ नम्बरको मोटरसाइकललाई ठक्कर दिएको थियो ।

सवारी ज्यान सम्बन्धी कसुरमा झाँक्री भुजेललाई थुनामा पठाउन काठमाडौं जिल्ला अदालतले आदेश दिएको थियो । हिरासतमा रहेका बेला उनको परिवारसँग सहमति समेत भएको थियो । यद्यपि, अदालतले पुर्पक्षका लागि थुनामा पठाउने आदेश दिएको थियो ।