ओलीले गरे सुवास नेम्वाङको नाममा प्रतिष्ठान बनाउने घोषणा

काठमाडौँ
प्रधानमन्त्री एवं नेकपा एमाले अध्यक्ष केपी शर्मा ओलीले संविधान सभा अध्यक्ष एवं एमालेका तत्कालीन उपाध्यक्ष सुवास नेम्वाङको नाममा प्रतिष्ठान बनाउने घोषणा गरेका छन् । नेम्वाङको निधन भएको एक वर्ष पुगेको उपक्ष्यमा बुधबार आयोजित स्मृति सभामा बोल्दै ओलीले नेम्वाङले संविधान घोषणा गर्न महत्वपूर्ण भुमिका खेलेको उल्लेख गरे ।

ओलीले सुवास नेम्वाङको नाममा प्रतिष्ठानको बारेमा शुक्रबार बस्ने सचिवालय बैठकले निर्णय गर्ने जानकारी दिए । ‘हामी सचिवालय बैठक बस्दै छौं । सबै तयारी गरी सकेका छौं । कुन मोडलमा कसरी प्रतिष्ठान बनाउने सबै त्यतिबेला निर्णय हुने छ’ उनले भने, ‘विगतमा माधव नेपाल पुष्पलाल प्रतिष्ठान अध्यक्ष हुँदा उतै लिएर गए । त्यस्तो बनाउनु हुँदैन । जसको प्रतिष्ठान बनाएको छ त्यो सबैको स्वीकार्य हुने गरी बनाउनुपर्छ ।’ ओलीले पार्टी नेताको नाममा बनाएका प्रतिष्ठानलाई पुनः सक्रिय बनाएर जाने जिकिर गरे ।

नेम्वाङको निधन भए पनि जनताले पछिसम्म सम्झिने गरी काम गरेको ओलीको भनाई थियो ।