पैसा नतिर्ने उद्योगमा विद्युत जोडेपछि प्रधानमन्त्री ओलीले भने- उद्योग चलाउनु छ

काठमाडौं । प्रधानमन्त्री केपी शर्मा ओलीले सरकारी नियमअनुसार विद्युत् बक्यौता रकम उठाइने बताएका छन् । सामाजिक सञ्जाल फेसबुकमा प्रधानमन्त्री ओलीले विद्युतको बक्यौता उठाएर उद्योग पनि चलाउनु पर्ने उल्लेख बताएका थिए ।

“हामीलाई उद्योगबाट बक्यौता उठाउनु छ, उद्योग पनि चलाउनु छ, त्यहाँका मजदुरको रोजगारी पनि जोगाउनु छ र कूल गार्हस्थ्य उत्पादन पनि बढाउनु छ,” ओलीले भने ।

यस विषयमा सरकार र विद्युत् प्राधिकरणका बीचमा बाहिर आएजस्तो कुनै मतभेद नरहेको उनको दाबी थियो । विद्युतको पैसा नतिर्ने अर्घाखाँची सिमेन्ट, घोराही सिमेन्ट र जगदम्बा सिन्थेटिक उद्योगमा काटिएको विद्युत् लाइन जोडिएपछि अ‍ोलीले यसबारे टिप्पणी गरेका हुन् ।