यस्तो देखियो नाइमा एक्स्पोको चौथोँ दिन (तस्बिरहरू)

काठमाडौं । काठमाडौंको भृकुटीमण्डपस्थित प्रदर्शनीस्थलमा ‘नाइमा मोबिलिटी एक्सपो’ जारी छ।

नाइमा मोबिलिटी एक्सपो सुरु भएको आज चौथोँ दिनमा पनि हजारौँ दर्शकहरू पुगिरहेका छन्।

एक्सपोमा प्रदर्शनीमा राखिएका विभिन्न ब्रान्डका सवारी साधन र तिनका अत्याधुनिक विशेषताहरूबारे जानकारी लिन दैनिक हजारौँ दर्शकहरू पुगिरहेका छन्।

विशेष गरी मेलामा भर्खरै सार्वजनिक गरिएका नयाँ मोडलका दुई पाङ्ग्रे (मोटरसाइकल तथा स्कुटर) र चार पाङ्ग्रे (कार, एसयूभी) सवारी साधनतर्फ दर्शकको आकर्षण बढी देखिएको छ।

विद्युतीय सवारी साधन (इभी) र नवीन प्रविधिको बढ्दो प्रयोगका कारण पनि अवलोकनकर्ताहरू सवारीको ब्याट्री क्षमता, रेन्ज, सुरक्षा फिचर्स र मूल्यबारे चासोपूर्वक सोधपुछ गरिरहेका छन्।

एक्स्पोमा कम्पनीहरूले ग्राहकलाई लक्षित गर्दै विशेष छुट, बुकिङ अफर तथा फाइनान्सको सुविधा समेत उपलब्ध गराएका छन्।