0
Shares
काठमाडौं । अमेरिकाका राष्ट्रपति डोनाल्ड ट्रम्पले युक्रेनी समकक्षी राष्ट्रपति भोलोदिमिर जेलेन्स्कीसँग ह्वाइट हाउसमा भेटवार्ता भएको छ ।
भेटमा ट्रम्पले जेलेन्स्की युक्रेन र रसियालाई हालको सीमा रेखामा युद्ध तुरुन्त रोक्न र त्यसलाई अन्त्य गर्न आग्रह गरेका छन् ।
उनले सामाजिक सञ्जालमा लेख्दै भने, ‘धेरै रगत बगिसकेको छ, अब दुवै पक्षले जितेको दाबी गर्न सक्छन्, तर, इतिहासले त्यस निर्णय गर्ने छ ।’
ट्रम्पले थपे, ‘तपाईंहरू जहाँ हुनुहुन्छ, त्यहीँ रोकिनुहोस्, आफ्ना परिवारमा फर्कनुहोस् र शान्ति कायम राख्नुहोस् ।’
यसअघि केही हप्ताअघि ट्रम्पले युक्रेनले रसियाबाट कब्जा गरेको सम्पूर्ण भूभाग फिर्ता लिन सक्ने विश्वास व्यक्त गरेका थिए । तर, हालको अभिव्यक्तिले उनको दृष्टिकोणमा केही परिमार्जन आएको देखिन्छ ।
जेलन्स्कीले भने, ‘अहिले युद्ध रोकिनु आवश्यक छ र? त्यसपछि वार्ता अगाडि बढाउनुपर्छ ।’ ट्रम्पले युक्रेनलाई भूभाग फिर्ता दिन दबाब दिएको सम्बन्धी प्रश्नमा उनले स्पष्ट जवाफ दिन सकेनन् ।
ट्रम्पले रसियाका राष्ट्रपति भ्लादिमिर पुटिनसँगको टेलिफोन वार्तापछि युक्रेनलाई लामो दूरीका टोमाहक मिसाइल उपलब्ध गराउने विषयमा केही अनिच्छा देखाएका छन् ।
यी मिसाइलले युक्रेनी सेनालाई रसियाको भित्री क्षेत्रमा लक्षित गर्न सक्षम बनाउने विश्वास गरिएको छ । पुटिनले यस विषयमा अमेरिकासँगको सम्बन्धमा असर पर्ने चेतावनीसमेत दिए ।
ट्रम्पले भने, ‘हामीसँग आवश्यक मिसाइल भण्डार हुनु जरुरी छ, किनभने कहिले पनि युद्धको अवस्था आउन सक्छ, तर हामी चाहन्छौँ कि युद्ध सकिएपछि मिसाइल आवश्यक नपरोस् ।’
ट्रम्पले आगामी हंगेरीमा हुने बैठकमा पुटिन र ज़ेलन्स्की दुवैलाई भेट्ने सम्भावना रहेको संकेत गरे । जेलन्स्कीले पुटिन युक्रेनमाथि आक्रमण गरिरहेका छन् र शान्ति चाहँदैनन् भनी उल्लेख गरेका थिए ।
