खोलाले बगाउँदा श्रीमान बेपत्ता, श्रीमती घाइते

0 Shares

सुनसरी । सुनसरीको बराहक्षेत्र नगरपालिका १ स्थित दुधपानी खोलाले मोटरसाइकलसहित दुई जनालाई बगाउँदा एक जना बेपत्ता भएका छन् । अर्का एक घाइते भएका छन् ।

काठमाडौंबाट धनकुटातर्फ आउँदै गरेको बागमती प्रदेश ०२-०४७प७३८ नम्बरको मोटरसाइकल बराह क्षेत्र नगरपालिका १ दूधपानी खोला तर्दै गर्दा खोलाले बगाएको जिल्ला प्रहरी कार्यालयका प्रहरी प्रवक्ता योगराज खतिवडाले जानकारी दिए ।

बेपत्ता हुनेमा सर्लाहीको हरिवनका २७ वर्षीय मनिष पञ्चकोटी रहेका छन् । मोटरसाइकलमा सवार उनकी श्रीमती २७ वर्षीया सिलु खड्गी घाइते भएकी छन् । उनको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ ।

घटनापछि स्थानीयवासी, इलाका प्रहरी कार्यालय महेन्द्रनगर, इलाका प्रहरी कार्यालय चतरा तथा अस्थायी प्रहरी पोष्ट चतरा पुलको टोलीले मनिषको खोजी गरिरहेको प्रहरीले जनाएको छ ।

सम्बन्धित समाचार