नेपाल रानेपाल टोस्टमास्टर्सको सम्मेलन साइटेसन २०२५ सम्पन्न

काठमाडौं ।  नेपाल टोस्टमास्टर्सको वार्षिक सम्मेलन साइटेसन २०२५ शनिबार काठमाडौंको बेस्ट वेस्टर्न प्लस होटेलमा सम्पन्न भएको छ । सम्मेलनमा नेपालभरबाट विभिन्न व्यवसायी, पेशाकर्मी, व्यापारिक प्रतिष्ठानका कर्मचारी, विद्यार्थी र शिक्षक लगायत लगभग ३०० जना टोस्टमास्टर्स सदस्यहरूको उपस्थिति थियो ।

सम्मेलनमा अन्तराष्ट्रिय ख्यातिप्राप्त वक्ता तथा लेखक मिहिर कोल्थरकरले किनोट वक्तव्य प्रस्तुत गरेका थिए । विगत दुइ दशक देखि विभिन्न मुलुकहरूमा २५०० भन्दा बढी तालिम तथा कार्यशाला सञ्चालन गरिसकेका मिहिरले सम्मेलनमा उपस्थितलाई अन्तरक्रियात्मक तरिकाले नेतृत्व विकास सम्बन्धी व्यहारिक ज्ञान बाट उत्प्रेरित गरेका थिए ।

साइटेसनको एक प्रमुख आकर्षणका रूपमा कम्युनिकेटर अवार्ड रहेको थियो । सञ्चारको क्षेत्रमा उत्कॄष्टता हासिल गरेका गैर­टोस्टमास्टर्सलाई प्रत्येक वर्ष प्रदान गरिने यो पुरस्कार यस वर्ष पत्रकारिता र आमसञ्चारमार्फत निष्पक्ष र नैतिक सञ्चारको प्रवर्ध्दनमा उल्लेख्य भूमिका खेलेवापत सञ्चारकर्मी टिकाराम यात्रीलाई प्रदान गरिएको थियो । पुरस्कार ग्रहण गर्दै यात्रीले प्रभावकारी सञ्चारका लागि सुझबुझपूर्ण शब्द चयनको महत्व प्रकाश पार्दै पुरस्कारले आफूमा जिम्मेवार पत्रकारिता प्रति थप दायित्वबोध भएको बताएका थिए ।

सम्मेलनमा नेपाली टोस्टमास्टर्सका अग्रणी एवं नेपालमा टोस्टमास्टर्सका शुरूवातकर्ता मध्येका एक रहेका डिस्टिंगुइस्ड

टोस्टमास्टर रविन लामाले हास्यपूर्ण तरिकाले प्रेरक मन्तव्य प्रस्तुत गरेका थिए । सम्मेलनमा उपस्थितको व्यवहारिक ज्ञानका लागि उत्कृष्ट टोस्टमास्टर्सहरूबाट मुल्यांकन मन्तव्य र टल­टेल (अतिरञ्जनामा आधारित मन्तव्य) को मञ्चन गरिएको थियो ।

साइटेसनमा नेपाल सम्मिलित टोस्टमास्टर्सको डिस्ट्रिक्ट ४१ का प्रोग्राम क्वालिटि डिरेक्टर श्वेतांक शर्मा, क्लब ग्रोथ डिरेक्टर दीप्ती क्षेत्री आचार्य, प्रशासनिक म्यानेजर युडेन कोइराला, वित्त म्यानेजर अकिंत गोएन्का, निवर्तमान डिस्ट्रिक्ट डिरेक्टर मुन प्रधान र नेपाल एक्सपान्सन चेयर रन्जित आचार्य लगायतका पदाधिकारीहरूको उपस्थिति रहेको थियो भने नेपाल टोस्टमास्टर्स कन्ट्रि अफिसका संयोजक दिपेश चालिसेले सम्मेलनको अध्यक्षता गरेका थिए ।

टोस्टमास्टर्स इन्टरनेशनल संसारभर रहेका क्लबहरूको माध्यमबाट सदस्यहरूको सञ्चार र नेतृत्व क्षमता विकासका लागि स्थापना भएको एक गैर नाफामूलक संस्था हो । सन् १९२४ मा स्थापित भइ संयुक्त राज्य अमेरिकाको कोलोराडोमा मुख्य कार्यालय रहेको यस संस्थाको हाल १४९ देशहरूमा १३,८०० भन्दा बढी क्लबमा २,६५,००० भन्दा बढी सदस्य रहेका छन् । टेस्मास्टर्सले विविध पृष्ठभूमिका व्यक्तिहरूमा आम सञ्चार र नेतृत्वको क्षेत्रमा आत्मविश्वासको विकास गर्न महत्वपूर्ण योगदान पुर्याइरहेको छ ।

नेपालमा सन् १९९२ मा सुरू भएको टोस्टमास्टर्स हाल देशभर विभिन्न शहरहरूमा ६८ वटा क्लब र १,४०० भन्दा बढी सदस्यसम्म फैलिएको छ । व्यापारिक प्रतिष्ठानका व्यवस्थापक तथा कर्मचारी, विद्यार्थी, शिक्षक, उद्यमी, बैंकर, स्वास्थ्यकर्मी, इन्जिनियर जस्ता विविध क्षेत्र तथा उमेर समूहका व्यक्तिहरू हाल टोस्टमास्टर्समा सहभागि छन् । नेपालका क्लबहरू डिभिजन ए, बि, सि र डि अन्तर्गत उत्तर भारतसमेत समावेश रहेको डिस्ट्रिक्ट ४१ मा संलग्न रहेका छन् ।ष्ट्र बैंकले चालू आर्थिक वर्ष २०८२ ८३ को पहिलो तीन महिना (साउन–असोज)को आर्थिक अवस्था सार्वजनिक गरेको छ ।

राष्ट्र बैंकले सार्वजनिक गरेको चालू आवको तीन महिनामा चालू खाता र शोधनान्तर स्थिति दुवैमा बचत देखिएको छ । यस्तै विदेशी विनिमय सञ्चितिसमेत सुधार भएको छ ।

राष्ट्र बैंकका अनुसार चालू आर्थिक वर्षको पहिलो तीन महिनामा चालू खाता दुई खर्ब ३७ अर्ब ५९ करोडले बचतमा छ । यो अघिल्लो वर्षको सोही अवधिको एक खर्ब १५ अर्ब ३६ करोडको बचतभन्दा दोब्बर बढी हो ।

अमेरिकी डलर सञ्चितीमा पनि अघिल्लो वर्षको ८६ करोड डलरबाट बढेर एक अर्ब ६९ करोड डलर पुगेको छ । समग्र शोधनान्तर स्थिति दुई खर्ब ६४ अर्ब ३ करोडले बचतमा रहेको छ । अघिल्लो वर्षको सोही अवधिमा यो बचत एक खर्ब ८४ अर्ब ९९ करोड रहेको थियो ।

अमेरिकी डलरमा समेत शोधनान्तर बचत एक अर्ब ३८ करोडबाट बढेर एक अर्ब ८८ करोड पुगेको छ ।  यस्तै, देशको कुल विदेशी विनिमय सञ्चिति ११.३ प्रतिशतले वृद्धि भई असोज मसान्तमा २९ खर्ब ७९ अर्ब ८१ करोड रुपैयाँ पुगेको छ ।

यसका अमेरिकी डलरमा सञ्चिति असार मसान्तमा १९ अर्ब ५० करोड रहेकोमा असोज मसान्तमा ८.७ प्रतिशतले बढेर २१ अर्ब २१ करोड पुगेको छ ।

कुल विदेशी विनिमय सञ्चितिमध्ये राष्ट्र बैंकमा रहेको सञ्चिति असार मसान्तमा २४ खर्ब १४ अर्ब ६४ करोड रहेकोमा असोज मसान्तमा १०.५ प्रतिशतले वृद्धि भई २६ खर्ब ६७ अर्ब ७० करोड पुगेको छ ।

राष्ट्र बैंकबाहेक अरू वित्तीय संस्थासँग रहेको विदेशी विनिमय सञ्चिति पनि १८.७ प्रतिशतले वृद्धि भई दुई खर्ब ६३ अर्ब ४ करोडबाट तीन खर्ब १२ अर्ब १० करोड कायम भएको छ ।