0
Shares
काठमाडौँ । सुर्खेत–दैलेख सीमास्थित वीरेन्द्रनगर १४ राता नाङ्ग्ला नजिक भएको फोर्स गाडी दुर्घटनामा पाँच जनाको मृत्यु भएको छ । २५ जना घाइते भएका छन् । मृत्यु र घाइतेको पहिचान खुलेको छैन ।
दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको गाडी अनियन्त्रित भई दुर्घटनामा परेको प्रहरीले जनाएको छ ।
गुराँस गाउँपालिका उपाध्यक्ष शिवा खड्काले दुर्घटनाका घाइतेको उद्धार गरी थप उपचारका लागि कर्णाली प्रदेश अस्पताल सुर्खेत पठाइएको बताए ।
उक्त गाडीमा ३० जना सवार थिए । गाडी सडकभन्दा झण्डै दुई सय मिटर तल खसेको छ ।
