तीन महिनामा दुई करोड ७९ लाख राजस्व संकलन

काठमाडौँ । ट्राफिक प्रहरीले आर्थिक वर्ष २०८१/८२ को तीन महिनामा ३५ हजार ८५ सवारी साधनका चालकबाट दुई करोड ७९ लाख राजस्व संकलन गरेको छ ।

पूर्व पश्चिम राजमार्गमा जडान गरिएको सिसीटिभी र राडरगनबाट सवारी साधनको गति निगरानी गरिरहेको ट्राफिक प्रहरीले गत साउनदेखि असोजसम्ममा उक्त रकम संकलन गरेको चितवनस्थित नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयले जनाएको छ ।

यसैबीच, उक्त अवधिमा बागमती प्रदेशका १० जिल्लामा भएका ३९७ सवारी दुर्घटनामा ६० जनाको मृत्यु भएको तथा एक हजार तीन जना घाइते भएका थिए ।