0
Shares
काठमाडौँ । सहकारीको रकम अपचलनको आरोपमा पक्राउ परेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई जिल्ला अदालत कास्कीमा उपस्थित गराइएको छ ।
शुक्रबार पक्राउ परी जिल्ला प्रहरी कार्यालय कास्कीको हिरासतमा रहेका उनीविरुद्ध अनुसन्धान गर्न म्यादको अनुमतिका लागि अदालतमा उपस्थिति गराइएको हो ।
सभापति लामिछानेलाई अदालत लैजाने क्रममा रास्वपाका सासंद, नेता तथा कार्यकर्ताले विरोध गरेका थिए । अदालत जानुपूर्व सभापति लामिछानेले कानूनी प्रकृयालाई सहयोग प्रतिक्रिया दिए ।
पोखराको सूर्यदर्शन सहकारीको संस्थापक अध्यक्ष गीतेन्द्रबावु (जीबी) राईसँग मिलेर लामिछानेले गोर्खा मिडिया नेटवर्कमा रकम ल्याएर अपचलन गरेको आरोप छ ।
उनीमाथि जिल्ला प्रहरी कार्यालय कास्कीले अनुसन्धान गरिरहेको छ । सभापति लामिछानेलाई काठमाडौँमा पक्राउ गरी शनिबार बिहान पोखरा ल्याइएको थियो ।
गोर्खा मिडियामा सहकारीको बचत लैजाने जीबी राई फरार रहँदै आएका छन् । रवि लामिछाने गृहमन्त्री हुँदा पक्राउ गरेको हल्ला चले पनि अहिलेसम्म उनलाई पक्राउ गर्न प्रहरी सफल हुन सकेको छैन । यसअघि सोही मुद्दामा पूर्वडीआई छविलाल जोशी प्रहरी हिरासतमा छन् ।
